– છેલ્લા ચાર માસથી અનેક સમસ્યાઓને લઈ પોસ્ટ ઓફિસમાં સ્થાનિકોના કામ થતા નથી
(જ્યશીલ પટેલ,ઝઘડીયા)
ભારત દેશની સૌથી જૂની પત્ર વ્યવહાર સંસ્થા એટલે ભારતીય પોસ્ટ, બદલતા સમય સાથે પોસ્ટ વિભાગ અપડેટ નહીં થતાં દિલ્હીથી કન્યાકુમારી સુધીના દેશભરમાં ફેલાયેલી અને તમામ ગામડાઓ સાથે લિંક ધરાવતી પોસ્ટ વિભાગનો વહીવટ છેલ્લા કેટલા વર્ષોથી વિવાદમાં રહ્યો છે,મોટા શહેરો અથવા મેટ્રોસિટીમાં તો ઠીક ગામડાઓ માંતો પોસ્ટનો વ્યવહાર સદંતર ધીમી ગતિનો થઈ ગયો છે.તાલુકા મથકની પોસ્ટ ઓફિસમાં પ્રિન્ટર જેવા સામાન્ય સાધન બગડે તો એક એક મહિના સુધી તે રિપેર નથી થતા,આવીજ સમસ્યા ઝઘડિયા તાલુકાના અવિધા પોસ્ટ ઓફિસમાં બનવા પામી છે.આજરોજ અવિધા ગામની પોસ્ટ ઓફિસની ખોરંભે પડેલી કામગીરીથી ત્રાસી જઈ ગ્રામજનોએ પોસ્ટ ઓફિસ ખાતે મોરચો માંડ્યો હતો.જેમાં સિનિયર સિટીઝનો તથા મહિલાઓ પણ જોડાયા હતા.તેઓએ આક્ષેપ કર્યો હતો કે કાયમ માટે પોસ્ટ ઓફિસમાં સર્વરની સમસ્યા હોય છે જેના કારણે ફિઝિકલી કે ઓનલાઇન કોઈ કામ થતા નથી,જેના કારણે સમયસર નાણા મળતા નથી અને ઠેઠ રાજપાડી સુધી ધક્કો ખાવો પડે છે.સાથે સાથે વિધવા મહિલાઓને પણ સમયસર તેમના નાણા નહીં મળતા હોય તેઓ પણ હાલાકી ભોગવી રહ્યા છે.જેથી સત્વરે અવિધા પોસ્ટ ઓફિસનું કામ રાબેતા મુજબ થાય તેવી સિનિયર સિટીઝનો તથા મહિલાઓએ માંગણી કરી હતી.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
