ભરૂચ,
અંકલેશ્વર શહેર વિસ્તાર માંથી વાસણની દુકાનની આડમાં ચાલતું ગેસ રિફિલિંગ ભરૂચ એસઓજીની ટીમે ઝડપી લઈ ૭,૩૦૦ મુદ્દામાલ કબ્જે કરી એકની અટકાયત કરી હતી.
ઉચ્ચ અધિકારીઓની સુચના અને માર્ગદર્શન હેઠળ ભરૂચ એસઓજી પીઆઇ એ.એ.ચૌધરી તથા પીઆઇ એ.એચ.છૈયા દ્વારા એસઓજી સ્ટાફની ટીમને એ.ટી.એસ. ચાર્ટર મુજબની કામગીરી કરવા સુચના અને માર્ગદર્શન આપવામાં આવ્યું હતું. દરમ્યાન એસઓજીની ટીમને અંકલેશ્વર શહેર વિસ્તારમાં પેટ્રોલિંગ દરમ્યાન બાતમી મળેલ કે મીરાનગર ખાતે આવેલ ખુશી વાસણ ભંડાર નામની દુકાનમાં રામનિવાસ ઉર્ફે ચીન્ટુ નામનો ઈસમ દુકાનમાં ગેરકાયદેસર રીતે ગેસ રિફિલિંગ કરે છે.એસઓજીની ટીમે મળેલ બાતમી મુજબના સ્થળે જઇને ખુશી વાસણ ભંડાર નામની દુકાનમાં તપાસ કરતા રાંધણગેસની ૧૫ કિલોની ખાલી બોટલ નંગ ૧, ૧૫ કિલોની ગેસ ભરેલ બોટલ નંગ ૩, ૫ કિલોની ગેસની ખાલી અને ભરેલ બોટલ નંગ ૭, વજન કાંટો નંગ ૧ તેમજ ગેસ રિફિલિંગમાં વપરાતી પાઈપ નંગ ૧ મળી આવતા પોલીસે અનધિકૃત રીતે એક ગેસની બોટલ માંથી બીજી બોટલમાં ગેસ ટ્રાન્સફર કરવાની જોખમી પ્રવૃત્તિ અંતર્ગત આ ગુના હેઠળ રામનિવાસ ઉર્ફે ચીન્ટુ શિવચંદ્ર યાદવ રહે.રાજપીપલા રોડ મીરા નગર અંકલેશ્વરનાને ઝડપી લઈને અંકલેશ્વર જીઆઈડીસી પોલીસ મથકમાં ગુનો નોંધાવ્યો હતો.એસઓજીની ટીમે આ ગુના હેઠળ કુલ રૂપિયા ૭,૩૦૦ નો મુદ્દામાલ કબ્જે લીધો હતો.

Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is