best news portal development company in india

વાલિયામાં સોલાર પ્લાન્ટ માંથી કેબલ ચોરી કરનાર ગેંગના બેને ઝડપી ૧.૮૯ લાખનો મુદ્દામાલ જપ્ત કર્યો

SHARE:

ભરૂચ,

ભરૂચ જીલ્લાના વાલિયા વિસ્તારમાં સોલાર પ્લાન્ટ માંથી થયેલી કેબલ ચોરીનો ભેદ લોકલ ક્રાઈમ બ્રાંચે ઉકેલ્યો છે.પોલીસે બે આરોપીઓને ઝડપી પાડ્યા છે જ્યારે ત્રણ આરોપીઓ હજુ ફરાર છે. પકડાયેલા આરોપીઓમાં પણસોલી ગામનો અરૂણ વિનુભાઈ વસાવા અને માંગરોળનો નિલેશ ફતેસિંગ વસાવાનો સમાવેશ થાય છે.

એલસીબીના પીએસઆઈ એમ.એમ.રાઠોડની ટીમને બાતમી મળી હતી કે બંને આરોપીઓ મેરા ગામના ટર્નિંગ પાસે બ્લ્યુ કલરની આર.વન ફાઈવ મોટરસાયકલ જીજે ૧૬ ડીબી ૪૬૭૨ સાથે હાજર છે.પોલીસે બંને આરોપીઓને ઘેરી લઈને પકડી પાડ્યા હતા.પૂછપરછમાં અરૂણ વસાવાએ કબૂલાત કરી હતી કે તેણે પૈસાની જરૂરિયાત માટે ચોરી કરવાનું નક્કી કર્યું હતું.તેણે પોતાના મિત્રો નિલેશ વસાવા, જીગો વસાવા, મેહુલ વસાવા અને વિશાલ વસાવા સાથે મળીને છેલ્લા એક મહિનામાં વાલિયા વિસ્તારમાં પાંચ અલગ અલગ સોલાર પ્લાન્ટ માંથી કેબલ ચોરી કરી હતી.ચોરી કરેલા કેબલમાંથી નીકળેલું કોપર મોસાલી ખાતે ભંગારનો વેપાર કરતા મોઈન સૈયદને વેચ્યું હતું.

પોલીસે બે આરોપીઓની ધરપકડ કરી છે, જ્યારે ત્રણ આરોપીઓ અને ચોરીનો માલ ખરીદનાર વ્યક્તિને વોન્ટેડ જાહેર કર્યા છે.પકડાયેલા આરોપીઓ વિરુદ્ધ ભારતીય નાગરિક સુરક્ષા સંહિતા ૨૦૨૩ ની સંલગ્ન કલમો હેઠળ કાર્યવાહી કરવામાં આવી છે.આ ગુનામાં પોલીસે આરોપી પાસેથી બે નંગ મોબાઈલ કિં.રૂ.૮૫ હજાર, આર.વન ફાઈવ મો.સા કિં.રૂ.૧ લાખ અને રોકડા રૂપીયા ૪,૨૦૦ મળીને કુલ રૂ.૧,૮૯,૨૦૦ નો મુદ્દામાલ કબ્જે કરી વધુ તપાસ માટે કેસ અંકલેશ્વર રૂરલ પોલીસ સ્ટેશનને સોંપવામાં આવ્યો છે.

BNI News
Author: BNI News

Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is

Leave a Comment

Pelli Poola Jada Accessories
best news portal development company in india
Most Read Posts
error: Content is protected !!