– દેરોલ નજીક કન્ટેનર સાથે બાઈક ભટકાતા સર્જાયો હતો અકસ્માત
ભરૂચ,
જંબુસરના કાવી ગામેથી પત્નીને ભરૂચ મૂકી પરત ફરતા પતિને દેરોલ નજીક ગમખ્વાર અકસ્માત સર્જાતા કરુણ મોત નીપજ્યું હતું.
પ્રાપ્ત માહિતી અનુસાર હનીફ મયુદ્દીન દિવાન પોતાની પત્નીને મોટર સાયકલ પર ભરૂચ મૂકવા આવ્યા હતા.જે બાદ રાત્રે લગભગ ૧૦ વાગ્યાની આસપાસ પોતાના ગામ જંબુસરના કાવી પરત ફરી રહ્યા હતા.તે સમયે દેરોલ અને દયાદરા વચ્ચેના માર્ગ પર તેમની મોટર સાઈકલ નંબર જીજે ૧૬ સીએ ૫૩૫૫ અને એક કન્ટેનર નંબર જીજે ૨૧ ડબલ્યુ ૨૧૨૪ વચ્ચે ગંભીર અકસ્માત સર્જાયો હતો.અકસ્માતની ગંભીરતા એટલી હતી કે રોડ પર પટકાવાને કારણે હનીફને શરીરે ગંભીર ઈજાઓ થતાં ઘટના સ્થળે જ તેમનું મૃત્યુ નીપજ્યું હતું. અકસ્માતની જાણ થતાં તાત્કાલિક ભરૂચ તાલુકા પોલીસ ઘટના સ્થળે પહોંચી ગઈ હતી.પોલીસે મૃતદેહનો કબ્જો લઈ પોસ્ટમોર્ટમ માટે સિવિલ હોસ્પિટલ ખસેડ્યો હતો.
આ ઘટના અંગે પોલીસે અકસ્માત મોતની નોંધ કરી આગળની તપાસ શરૂ કરી છે.અકસ્માતના સમાચાર વાયુ વેગે ફેલાતાં ઘટના સ્થળે લોકોનાં ટોળેટોળા એકત્ર થઈ ગયા હતા.

Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is