- જીલ્લામાં ઉભા કરાયેલા સારવાર કેન્દ્ર અને કલેક્શન સેન્ટરમાં વિવિધ જીવદયા પ્રેમીઓ દ્વારા ઈજાગ્રસ્ત પક્ષીઓની સારવાર કરી : મૃત પક્ષીઓમાં ૧૫ પીળી ચાંચ ઢોંકનો વધુ સમાવેશ
ભરૂચ,
ભરૂચ જીલ્લામાં પતંગ રસીકોએ પતંગ ચગાવી ઉત્તરાયણ પર્વની મજા માણી હતી.પરંતુ પતંગ રસિકોની આ મજાના કારણે ૫ દિવસમાં ૮૭ પક્ષીઓ પતંગની દોરીથી ઈજાગ્રસ્ત થતા ૨૦ પક્ષીઓ મોતને ભેટ્યા હતા.જેમાં પીળી ચાંચ ઢોંક પક્ષી વધુ હોવાના અહેવાલો મળી રહ્યા છે.
ભરૂચ જીલ્લામાં ઉત્તરાયણ પર્વ નજીક આવતા જ પતંગ રસિકો ધાબા ઉપર ચઢી પર્વની ઉજવણીમાં લાગી જતા આકાશો રંગબેરંગી પતંગોથી ઉભરાયા હતા.ઉત્તરાયણ પર્વની ઉજવણી દરમ્યાન પતંગના દોરાથી ઘાયલ થયેલા પક્ષીઓને બચાવવા તેમજ સમયસર સારવાર આપવા માટે સરકારના સબંધીત વિભાગો,બિનસરકારી સંસ્થાઓ, જીવદયા ક્ષેત્રમાં કાર્યરત સંસ્થાઓ,પક્ષી બચાવવા સાથે જોડાયેલ યુવાનો અને સામાન્ય પ્રજાના સહયોગથી ૧૦-૦૧-૨૦૨૫ થી ૨૦-૦૧-૨૦૨૫ દરમ્યાન કરૂણા અભિયાન યોજવામાં આવ્યું હતું. ભરૂચ જીલ્લામાં વનવિભાગ,પશુપાલન વિભાગ અને સ્વૈચ્છિક સંસ્થાઓના સહયોગથી ૧૯ કલેક્શન સેન્ટર,૧૦ કંટ્રોલરૂમ તેમજ ઘાયલ થયેલા પક્ષીઓની સારવાર માટે ૧૨ સારવાર કેન્દ્ર ચાલુ કરવામાં આવેલ છે.જીલ્લાની ૧૦ જેટલી સ્વૈચ્છિક સંસ્થાઓ તેમની ટીમ સાથે પક્ષી બચાવો અભિયાનમાં જોડાયા હતા.
બીજી તરફ સવાર તેમજ સંધ્યાકાળના સમયે કેટલાય પક્ષીઓ પોતાના બચ્ચાઓ માટે ખોરાકની શોધમાં નીકળતા હોય છે અને સવાર – સાંજ પક્ષીઓની ઉડાઉડ વચ્ચે પણ પતંગ રસીકોએ પતંગ ચગાવી મજા માણતા કેટલાય પક્ષીઓને ઘાયલ કર્યા હતા.ત્યારે પતંગની દોરીમાં પાંખ,પગ, ચાંચ અને ગળું કપાઈ જવાના કારણે આ વર્ષે ૧૧ થી ૧૫ જાન્યુઆરી સુધી પ દિવસમાં પીળી ચાંચ ઢોંક,કબૂતર,ઢોર બગલો,સક્કરખળો, કોયલ,કાગડો, કાળી સમડી, ચામચીડિયા, ધુવર મળી કુલ ૮૭ પક્ષીઓ ઈજાગ્રસ્ત બન્યા હતા.જેમાં ૨૦ પક્ષીઓના મોત થયા હતા જેમાં ૧૫ વિદેશી પક્ષી પીળી ચાંચ ઢોંકના મોત થયા હતા.
ઉત્તરાયણ પર્વને લઈને ભરૂચ સામાજીક વનીકરણ અને પશુ દવાખાના દ્વારા જીલ્લામાં ઈજાગ્રસ્ત પક્ષીઓની સારવાર માટે સારવાર કેન્દ્ર,કલેક્શન સેન્ટર સહિત વિવિધ જીવદયા સંસ્થાઓ દ્વારા સારવાર આપવામાં આવી રહી હતી.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
