ભારતીય મહિલા ટીમ બાદ પુરૂષ ટીમની કમાલ, બંને ટીમ બની ખો-ખો વિશ્વકપ ચેમ્પિયન,નેપાળને હરાવ્યું

ભારતીય મહિલા ટીમે આજે રવિવારે ઇન્દિરા ગાંધી ઇન્ડોર સ્ટેડિયમ ખાતે નેપાળને હરાવીને પ્રથમ ખો-ખો વર્લ્ડ કપ જીત્યો. પ્રિયંકા ઇંગલના નેતૃત્વ હેઠળની ભારતીય ટીમે ફાઇનલમાં નેપાળને 78-40થી હરાવ્યું. ઈન્દિરા ગાંધી ઇન્ડોર સ્ટેડિયમમાં ભારતીય મહિલા ટીમે શાનદાર પ્રદર્શન કર્યું. જેમાં ભારતની ટીમે પ્રથમ ટર્નમાં 34 પોઈન્ટ બનાવ્યા હતા, જ્યારે નેપાળ મહિલા ટીમ ગોલ કરવામાં નિષ્ફળ રહી હતી. બીજા ટર્નમાં ભારતનો સ્કોર 35 પોઈન્ટ હતો, જ્યારે નેપાળની ટીમે 24 પોઈન્ટ બનાવ્યા હતા. બીજા ટર્નમાં ભારતે એક પોઈન્ટ અને નેપાળે 24 પોઈન્ટ મેળવ્યા. જણાવી દઈએ કે, આજે ભારતીય મહિલા ટીમ બાદ ભારતીય પુરૂષ ટીમે પણ ઇતિહાસ રચ્યો છે. ભારતીય પુરૂષ ટીમે પણ ફાઈનલ મુકાબલામાં નેપાળ સામે જીત મેળવી છે.

ભારતીય મહિલા ટીમે પ્રથમ ખો-ખો વર્લ્ડ કપ જીત્યો

ઇન્દિરા ગાંધી ઇન્ડોર સ્ટેડિયમ ખાતે ખો-ખો વર્લ્ડ કપ 2025ની ફાઈનલમાં ભારતીય મહિલા ટીમે આજે રવિવારે નેપાળને હરાવીને પ્રથમ ખો-ખો વર્લ્ડ કપ જીત્યો. જેમાં પ્રથમ ટર્મમાં ભારતે શાનદાર પ્રદર્શન કર્યું હતું. બીજી ટર્મના વિરામ બાદ ત્રીજા ટર્નમાં ભારતે કુલ 73 પોઈન્ટ અને નેપાળે 24 પોઈન્ટ બનાવ્યા. જેમાં ત્રીજા ટર્નમાં ભારતીય ટીમે શાનદાર રમત બતાવી અને 38 પોઈન્ટ મેળવ્યા.

મહિલાઓ બાદ ભારતીય પુરૂષ ટીમે પણ રચ્યો ઇતિહાસ

ભારતીય મહિલા ટીમ બાદ ભારતીય પુરૂષ ટીમે આખી ટૂર્નામેન્ટમાં જીત મેળવી અને ફાઈનલમાં પણ જીત મેળવી. નેપાળ સામે ફાઈનલ મુકાબલો 54-36ના અંતરથી પોતાના નામે કર્યો.ચોથા વળાંકની પહેલી ઇનિંગમાં નેપાળે 6 પોઈન્ટ મેળવ્યા હતા. જ્યારે ભારતને પાંચ પોઈન્ટ મળ્યા હતા. પ્રથમ ઇનિંગનો સ્કોર 78-30 હતો. જ્યારે ચોથા ટર્નમાં છેલ્લી સીટી વાગી ત્યારે ભારતનો સ્કોર 78 પોઈન્ટ અને નેપાળનો 40 પોઈન્ટ હતો. ભારતીય મહિલા ટીમે આ મેચ 38 પોઈન્ટથી જીતી હાંસલ કરી હતી.

નોંધનીય છે કે, ભારતની ગૌરવ યાત્રામાં ગ્રુપ તબક્કામાં દક્ષિણ કોરિયા, ઈરાન અને મલેશિયા પર શાનદાર જીતનો સમાવેશ થાય છે. આ પછી ભારતે ક્વાર્ટર ફાઇનલમાં બાંગ્લાદેશ સામે જીત મેળવી અને પછી સેમિફાઇનલમાં દક્ષિણ આફ્રિકા સામે શાનદાર વિજય મેળવ્યો. આ ઐતિહાસિક સિદ્ધિ ભારતને માત્ર પ્રથમ વિશ્વ ચેમ્પિયનનો તાજ પહેરાવે છે એટલું જ નહીં, પરંતુ વૈશ્વિક મંચ પર આ સ્વદેશી રમત માટે એક મહત્ત્વપૂર્ણ ક્ષણ પણ છે.

Author: BNI News

Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is