(સંજય પટેલ,જંબુસર)
જંબુસરના નહાર ગામ પાસે બે બાઈક સામ સામે ભટકાતા એક વ્યક્તિનું ઘટના સ્થળે મોત નીપજ્યું અન્ય એક ગંભીરને જંબુસર રેફરલ હોસ્પિટલ ખાતે ખસેડવામાં આવ્યો હતો.
પ્રાપ્ત માહિતી અનુસાર જંબુસર ગામવાડીના મનહરભાઈ ભીખાભાઈ પટેલ નાઓ જેઓ દૂધ અને પરચુરણનો ધંધો કરી પોતાનું જીવન ગુજરાન ચલાવતા હતા.જેવો આજે સવારે કાવી ખાતે ધંધાર્થે ગયા હતા અને પરત ફરતા સમયે જંબુસર તાલુકાના નહાર ગામ પાસેથી પસાર થઈ ગયા બાદ અચાનક સામેથી એક બાઈક આવતી હતી.જે બંને બાઈકો સામસામે ભટકાતા અકસ્માત સર્જાયો હતો.અકસ્માતમાં મનહરભાઈ પટેલનું ગંભીર ઈજાઓના કારણે ઘટના સ્થળે મોત નીપજ્યું હતું. જ્યારે સામેના બાઈક ચાલકને માથા તથા પગના ભાગે ઈજાઓ પહોંચી હતી.જેઓને જંબુસર રેફરલ હોસ્પિટલ ખાતે સારવાર અર્થે ખસેડવામાં આવ્યા હતા જ્યાં પ્રાથમિક સારવાર આપ્યા બાદ તેઓને વધુ સારવાર અર્થે વડોદરા રીફર કરવામાં આવ્યા.મરણ જનાર મનહરભાઈ પટેલ જેઓનું માર્ગ અકસ્માતમાં ઘટના સ્થળે મોત નીપજયાના સમાચાર મળતા કાછીયા પટેલ સમાજમાં ઘેરા શોકની લાગણી પ્રવર્તવા પામી હતી અને મરણ જનારની લાશને જંબુસર સબ ડિસ્ટ્રિક્ટ હોસ્પિટલ ખાતે પીએમ અર્થે ખસેડવામાં આવી હતી.સદર બનાવ અંગે વેડચ પોલીસને જાણ થતા વેડચ પોલીસ તાત્કાલિક ઘટના સ્થળે આવી પહોંચી આગળની કાર્યવાહી હાથધરી હતી.bninews.in

Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is