– ભયંકર આગના પગલે દૂર દૂર સુધી ધુમાડાના ગોટે ગોટા ઉડયા હતા : આગને કાબુમાં લેવા ફાયર ફાયટરો ઘટના સ્થળે પહોંચ્યા હતા
ભરૂચ,
વાગરા તાલુકામાં આવેલ અંભેલ ગામ નજીક આવેલા ONGCના GGS-8 પ્લાન્ટમાં એકાએક ભીષણ આગ ફાટી નીકળી હતી.જેના કારણે ગ્રામજનોમાં ભયનો માહોલ સર્જાયો હતો.તો આગની જાણ થતા ફાયર વિભાગની ટીમો ઘટના સ્થળે પહોંચી આગને કાબુમાં લેવાના પ્રયાસો હાથધરતાં કલાકોની ભારે જહેમત બાદ આગ કાબુમાં આવી હતી.જોકે સદ્દનસીબે કોઈ જાનહાની સર્જાય ન હતી.
ભરૂચ જીલ્લાના વાગરા તાલુકામાં આવેલ અંભેલ ગામ નજીક આવેલા ONGCના GGS-8 પ્લાન્ટમાં મંગળવારની રાત્રીના એકાએક આગની ઘટના બની હતી.જોકે આગે જોતજોતામાં વિકરાળ સ્વરૂપ ધારણા કરતા ધુમાડાના ગોટેગોટા આકાશમાં ઉડયા હતા.પ્લાન્ટથી માત્ર ૫૦૦ મીટરના અંતરે વસેલા અંભેલ ગામના રહીશોમાં આજ્ઞા પગલે ભયનો માહોલ છવાઈ ગયો હતો.આગની ઘટનાની જાણ થતાં જ વાગરા ફાયર સ્ટેશનની ટીમ તાત્કાલિક ઘટના સ્થળે દોડી આવી હતી.આગના કારણે આસપાસના વિસ્તારમાં ભયનું વાતાવરણ સર્જાયું હતું.ફાયર બ્રિગેડની ટીમે તાત્કાલિક પાણી નો મારો ચલાવી આગ પર નિયંત્રણ મેળવવાની કામગીરી શરૂ કરી હતી અને કલાકોની ભારે જહેમત બાદ રાત્રે જ ફાયર બ્રિગેડની ટીમે આગ પર સંપૂર્ણ કાબૂ મેળવી લીધો હતો.જોકે સદ્દનસીબે આ ઘટનામાં કોઈ જાનહાનિ થવા પામી ન હતી.
ઘટનાની જાણ થતાં જ સ્થાનિક વહીવટી તંત્ર અને ONGCના અધિકારીઓ પણ તાત્કાલિક ઘટના સ્થળે દોડી ગયા હતા અને આગ લાગવાનું ચોક્કસ કારણ શોધવા પ્રાથમિક તપાસ હાથ ધરવામાં આવી હતી.

Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is