best news portal development company in india

જંબુસરના સારોદ ગામમાં તંત્રની મોટી કાર્યવાહી : ૫૧૦ એકર જમીન માંથી દબાણો દૂર કરાયા

SHARE:

(સંજય પટેલ,જંબુસર)

ભરૂચ જીલ્લાના જંબુસર તાલુકાના સરોદ ગામમાં તંત્ર દ્વારા દબાણ હટાવવાની મોટી કાર્યવાહી કરવામાં આવી હતી.જેમાં સરકારી ગૌચરની જમીનમાં ખેતી કરવામાં આવતી હતી.જે દબાણને તંત્ર દ્વારા દૂર કરવામાં આવ્યા છે.

ભરૂચ જીલ્લાના જંબુસર તાલુકાના સારોદ ગામના ભાઠામાં ૫૪૪ એકર ગૌચર જમીન આવેલ છે.૧૧૦,૯૩૯ અને ૯૪૦ સર્વે નંબરની ગૌચર જમીન પૈકી ૫૧૦ એકર ગૌચર જમીન ઉપર ૨૭ લોકોએ ગેરકાયદેસર દબાણ કરી ખેતી કરી રહ્યા હતા.તેમણે કપાસ, મગ અને નેપલા જેવા પાકની ખેતી કરી હતી.આ તમામને ગ્રામ પંચાયત તરફથી તથા તાલુકા પંચાયત તરફથી નોટિસ આપવા છતાંય તેઓએ ગૌચરની જમીન ખાલી કરી ન હતી.મંગળવારે પંચાયત ધારાની કલમ ૧૦૫(૮) મુજબ તાલુકા વિકાસ અધિકારી હાર્દિકસિંહ રાઠોડની રાહબરી હેઠળ સરપંચ સહિતની ટીમ સારોદ ગામે પહોંચી હતી.ભાઠાની ગૌચર જમીન પૈકી ૫૧૦ એકર જમીન પરના પાક ઉપર ટ્રેક્ટર ફેરવી દઈ ગૌચર ઉપરનું દબાણ દૂર કરતા સરકારી જમીન ઉપર દબાણ કરનારાઓમાં દોડધામ મચી છે.

ભાઠા વિસ્તારમાં આવેલ ૫૪૪ એકર ગૌચર જમીન પર ગેરકાયદેસર કબ્જો કરી લેનારા ૨૭ પરિવારોને તંત્રએ હટાવી સરકારી જમીન ખુલ્લી કરી છે.૫૧૦ એકર જમીન ઉપરના ઉભા પાક ઉપર ટ્રેક્ટર ફેરવી પાક દૂર કરી દેવામાં આવ્યો હતો.આગામી દિવસોમાં તાલુકામાં દરેક ગામમાં ગૌચર ખુલ્લા કરવામાં આવશે તેમ તાલુકા વિકાસ અધિકારીએ જણાવ્યું હતું.

BNI News
Author: BNI News

Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is

Leave a Comment

error: Content is protected !!