– રાજપારડી પોલીસે કુલ રૂપિયા ૫૪૦૪૮ નો મુદ્દામાલ કબજે લઈને બે ઈસમો સામે ગુનો દાખલ કર્યો
(જ્યશીલ પટેલ,ઝઘડીયા)
ભરૂચ જીલ્લાના ઝઘડિયા તાલુકાના રાજપારડી નજીક કદવાલી ગામના બસ સ્ટેન્ડ પાસેની એક ચા નાસ્તાની દુકાનની પાછળના ભાગે વેચાણ માટે સંતાડી રાખેલ ભારતીય બનાવટના વિદેશી દારૂનો જથ્થો પોલીસે ઝડપી લીધો હતો.
રાજપારડી પોલીસ માંથી મળતી વિગતો મુજબ રાજપારડી પીઆઈ એચ.બી.ગોહિલના માર્ગદર્શન હેઠળ પોલીસ ટીમને પોલીસ મથક વિસ્તારમાં પેટ્રોલિંગ દરમિયાન બાતમી મળી હતી કે કદવાલી ગામનો વિશાલ ચીમનભાઈ વસાવા કદવાલીના બસ સ્ટેન્ડ નજીક ચા નાસ્તાની દુકાનના પાછળના ભાગે ભારતીય બનાવટનો વિદેશી દારૂ સંતાડી રાખીને વેચાણ કરે છે.પોલીસે બાતમી મુજબના સ્થળે રેઈડ કરીને તપાસ કરતા દુકાનની પાછળના ભાગે ઝાડીઓ માંથી ભારતીય બનાવટના વિદેશી દારૂનો રૂપિયા ૪૯૦૪૮ ની કિંમતનો જથ્થો મળી આવ્યો હતો. પોલીસે દારૂનો આ જથ્થો તેમજ ૧ મોબાઈલ મળીને કુલ રૂપિયા ૫૪૦૪૮ નો મુદ્દામાલ કબ્જે લીધો હતો અને સ્થળ ઉપર હાજર મળેલ ઈસમ અજય રમણભાઈ વસાવા રહે.ગામ બલેશ્વર તા.ઝઘડિયા જી.ભરૂચનાને ઝડપી લીધો હતો,અને આ ગુના હેઠળ અજય વસાવા તેમજ અન્ય ઈસમ વિશાલ ચીમનભાઈ વસાવા રહે.ગામ કદવાલી તા.ઝઘડિયા જી.ભરૂચના વિરૂધ્ધ ગુનો નોંધી કાયદેસર કાર્યવાહી હાથધરી હતી.

Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is