– ભરૂચ પાલિકાના અને જીએનએફસીના ફાયર ફાયટરોએ આગ પર કાબૂ મેળવ્યો : સદ્દનસીબે કોઈ જાનહાનિ
ભરૂચ,
સતત વાહનો અને લોકોની અવરજવરથી ધમધમતા ભરૂચ શહેરના ધોળીકુઈ વિસ્તારમાં આવેલા ત્રણ માળના રહેણાંક મકાનમાં અચાનક આગ ભભૂકી ઉઠતાં નાસભાગ સાથે ભયનો માહોલ સર્જાયો હતો.જોકે આગે વિકરાળ સ્વરૂપ ધારણ કરતાં આગના ગોટેગોટા દૂર સુધી દેખાતા હતા.સ્થાનિક રહીશોએ તાત્કાલિક ફાયર વિભાગને જાણ કરતા લશ્કરો દોડી આવી આગને કાબુમા લેવાની જહેમત ઉઠાવી હતી.
ભરૂચ શહેરના ધોળીકુઈ વિસ્તારમાં સોમવારના રોજ ત્રણ માળના રહેણાંક મકાનમાં અચાનક આગ ભભૂકી ઉઠતાં નાસભાગ સાથે ભયનો સર્જાયો હતો.જોત જોતામાં આગે ભયંકર સ્વરૂપ ધારણ કરતા ધુમાડાના ગોટે ગોટા ઉડતા દુર દૂર સુધી જોવા મળ્યા હતા.આગના પગલે રહેણાંક મકાનમાં રહેતા લોકોમાં નાસભાગ મચી જવા પામી હતી.આગની ગંભીરતાને ધ્યાનમાં લેતાં ભરૂચ નગરપાલિકાના ફાયર બ્રિગેડની સાથે જીએનએફસીના ફાયર ટેન્ડરોને પણ ઘટના સ્થળે બોલાવવામાં આવ્યા હતા. ફાયર ફાયટરોએ ભારે જહેમત બાદ આગ પર કાબૂ મેળવ્યો હતો. આગની ઘટનાને પગલે મોટી સંખ્યામાં લોકોનાં ટોળેટોળાં ઘટનાસ્થળે એકત્ર થઈ ગયા હતા,જેને નિયંત્રિત કરવા માટે સ્થાનિક પોલીસને બોલાવવામાં આવી હતી.
સદ્દનસીબે આ ઘટનામાં કોઈ જાનહાનિ થઈ ન હતી.જો કે અંદાજીત ૮૫ વર્ષ જૂના મકાનમાં આગ લાગતા મકાનને નોંધપાત્ર નુકસાન થયું છે.આગ લાગવાનું ચોક્કસ કારણ જાણી શકાયું ન હતું.

Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is