– સદ્દનસીબે કોઈ જાનહાની નહીં
(સંજય પટેલ,જંબુસર)
ભરૂચ જીલ્લાના જંબુસર અને વડોદરાના પાદરાને જોડતા રોડ પર આવેલી ટાઈમ માઉઝર કંપનીમાં આગ ફાટી નીકળી હતી.લગભગ ૭ કલાકથી વધુની જહેમત બાદ ફાયર ફાયટરોએ આગ પર કાબૂ મેળવ્યો હતો.જોકે સદ્દનસીબે કોઈ જાનહાનિ નોંધાઈ ન હતી.
ઔદ્યોગિક નગરી ભરૂચ જીલ્લામાં ફરી એકવાર આગનો બનાવ સામે આવ્યો હતો.જેમાં ભરૂચ જીલ્લાના જંબુસરથી વડોદરાના પાદરાને જોડતા રોડ પર ઉરછદ ગામ નજીક આવેલી ટાઈમ માઉઝર નામની કંપનીમાં બુધવારની વહેલી સવારે આગ ફાટી નીકળી હતી.પ્લાસ્ટિકના ડ્રમ બનાવતી કંપનીમાં લાગેલી આગે જોતજોતામાં વિકરાળ સ્વરૂપ ધારણ કર્યું હતું અને સમગ્ર પ્લાન્ટ આગની ઝપેટમાં આવી ગયો હતો.આ અંગેની જાણ થતાની સાથે જ વડોદરા ભરૂચ અને જંબુસરના ફાયર ફાયટરો ઘટના સ્થળે દોડી આવ્યા હતા અને આગ ઉપર કાબુ મેળવવાના પ્રયત્નો શરૂ કર્યા હતા.વિકરાળ આગના પગલે જંબુસરથી પાદરાને જોઈતો સ્ટેટ હાઈવે બંધ કરવાની ફરજ પડી હતી.
તો સાથે બાજુમાં આવેલ અન્ય કંપની પણ આગની ઝપેટમાં આવી ગઈ હતી.ફાયર ફાઈટરોએ લગભગ ૭ કલાકની જહેમત બાદ આગ પર કાબુ મેળવ્યો હતો.બનાવની જાણ થતાની સાથે જ ફાયર સેફ્ટી એન્ડ હેલ્થ વિભાગ વહીવટી તંત્ર તેમજ પોલીસના ઉચ્ચ અધિકારીઓ ઘટના સ્થળે પહોંચી ગયા હતા.જોકે સદ્દનસીબે આગની ઘટનામાં કોઈ જાનહાની થઈ ન હતી.
અત્રે ઉલ્લેખનીય છે કે ભરૂચ જીલ્લામાં આગ લાગવાના વારંવાર બનાવો બને છે ત્યારે ફાયર સેફ્ટી અંગે તંત્ર દ્વારા કડક પગલા ભરવામાં આવે તેવી માંગ ઉઠી છે.તો બીજી તરફ માર્ચ એન્ડિંગ પણ આવતો હોય ત્યારે કંપનીઓમાં આગ લાગવાના બનાવો ચર્ચાના કેન્દ્ર બન્યા છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
