ઝઘડિયાની પ્રાથમિક કન્યા શાળામાં આનંદ મેળાનું આયોજન કરવામાં આવ્યું

– બેગલેસ ડે પ્રવૃત્તિ અંતર્ગત શિક્ષણ અધિકારીની ઉપસ્થિતિમાં આનંદ મેળો યોજાયો

(જ્યશીલ પટેલ,ઝઘડીયા)

ઝઘડિયા ટાઉન ખાતે આવેલ પ્રાથમિક કન્યા શાળામાં આનંદ મેળાનું આયોજન કરવામાં આવ્યું હતું.ગત મંગળવારના રોજ બેગલેસ ડે પ્રવૃત્તિ અંતર્ગત આનંદ મેળાનું આયોજન શાળા ખાતે કરવામાં આવ્યું હતું.આનંદમેળાના આ કાર્યક્રમનું ઉદ્ઘાટન ઝઘડિયા તાલુકા પ્રાથમિક શિક્ષણ અધિકારી જલ્પાબેનના હસ્તે કરવામાં આવ્યું હતું. આનંદ મેળામાં અલગ અલગ‌ વાનગીઓના  કુલ ૨૮ સ્ટોલ વિદ્યાર્થીઓ દ્વારા ઊભા કરવામાં આવ્યા હતા.જેમાં ૪૫ વિદ્યાર્થીઓએ ભાગ લીધો હતો. પ્રાથમિક કન્યા શાળામાં યોજાયેલ આનંદમેળાની ઝઘડિયા ગામની કુમાર શાળા,બ્રાન્ચ શાળાના વિદ્યાર્થીઓએ પણ મુલાકાત લીધી હતી અને ૨૮ જેટલા સ્ટોલની જુદી જુદી વાનગીઓનો સ્વાદ માણ્યો હતો.

Author: BNI News

Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is