– મતદાન પ્રક્રિયા પ્રારંભ થતાની સાથે મતદારોની કતારો લાગી
(સંજય પટેલ,જંબુસર)
જંબુસર નગરપાલિકા વોર્ડ નંબર ૧ ની ખાલી પડેલ બેઠક માટે આજરોજ મતદાન પ્રક્રિયાનો પ્રારંભ કરાયો હતો.જેમાં વહેલી સવારથી જ મતદારોની કતાર લાગી હતી અને શાંતિપૂર્ણ માહોલમાં મતદાન શરૂ થતાં ૯ વાગ્યા સુધીમાં ૩.૫૧ ટકા મતદાન નોંધાયું હતું.હાલ શાંતિપૂર્ણ મહેલમાં મતદાન પ્રક્રિયા ચાલી રહી છે.
જંબુસર નગરપાલિકા વોર્ડ નંબર ૧ ના મહિલા સદસ્ય લખીબેન અરવિંદભાઈ વાઘેલાનું નિધન થતા ખાલી પડેલ બેઠકની બાકી રહેલ મુદતની પેટા ચૂંટણી યોજાઈ હતી.જેમાં ભાજપ માંથી અમીશાબેન કરણ વાઘેલા કોંગ્રેસ પક્ષમાંથી વનીતાબેન નૈનેશભાઈ જાદવ અને આપ પાર્ટી કિરણબેન યોગેશકુમાર માછી ઉમેદવારોએ પોતાની ઉમેદવારી નોંધાવતા ત્રીપાંખિયો જંગ ખેલાયો છે.આજરોજ સવારન ૭ વાગ્યાથી મતદાન પ્રક્રિયાનો પ્રારંભ ૪ બૂથમાં કરાયો હતો.જેમાં સ્ત્રી ૨૩૫૮,પુરુષ ૨૪૨૫ મળી કુલ ૪,૭૮૩ મતદારો પોતાના મતાધિકારનો ઉપયોગ કરનાર છે અને ઉમેદવારોએ પોતાના મતાધિકારનો ઉપયોગ કર્યો હતો.મતદારોમાં અનેરો આનંદ જોવા મળતો હતો અને મતદાન મથક પર પોતાના મતાધિકારનો ઉપયોગ કરવા મતદારોની લાંબી કતારો લાગી હતી.હાલ ૯ વાગ્યા સુધી ૩.૫૧ ટકા મતદાન નોંધાયું હતું.અને શાંતિપૂર્ણ માહોલમાં મતદાન પ્રક્રિયા ચાલુ છે.
ચૂંટણી અધિકારી પ્રશાંત ગામિત દ્વારા ચૂંટણી પ્રક્રિયા નિષ્પક્ષ અને પારદર્શક થાય તે માટે સતત લાઈઝનીગ કરી રહ્યા છે.તથા ચૂંટણી શાંતિપૂર્ણ માહોલમાં સંપન્ન થાય તે માટે જંબુસર પોલીસ દ્વારા પણ પૂરતો બંદોબસ્ત ગોઠવી દેવામાં આવ્યો છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
