ભરૂચ,
– જંબુસર ન.પા.ની ૧ બેઠક, આછોદ જીલ્લા પંચાયત બેઠક,પંડવાઈ તાલુકા પંચાયત બેઠક મળી
ત્રણેય બેઠકની ચૂંટણીમાં મતદારોનો ઉત્સાહ જોવા મળી રહ્યો છે.જેમાં ત્રણેય બેઠકો ઉપર ૧ વાગ્યા સુધીમાં ૩૦.૮૪ ટકા મતદાન નોંધાયું હતું.
ભરૂચ જીલ્લામાં પાલિકા,તાલુકા પંચાયત અને જીલ્લા પંચાયતની ખાલી પડેલી ૩ બેઠકો પર આજરોજ પેટા ચૂંટણી યોજાતા મતદાન પ્રક્રિયા યોજાઈ હતી.જેમાં મતદારોનો ઉત્સાહ જોવા મળ્યો હતો.
સમગ્ર રાજ્યમાં આજરોજ સ્થાનિક સ્વરાજ્યની સંસ્થાઓની ચૂંટણી યોજાઈ રહી છે.ત્યારે ભરૂચ જીલ્લામાં પણ ૩ બેઠકો પર પેટા ચૂંટણી યોજાઈ હતી.જેમાં જંબુસર નગરપાલિકાના વોર્ડ નંબર ૧,જિલ્લા પંચાયતની આછોદ બેઠક તેમજ પાંડવાઈ તાલુકા પંચાયતની બેઠક ઉપર પેટા ચૂંટણી માટે મતદાન પ્રક્રિયા યોજાઈ હતી.આ ત્રણેય બેઠક પર ભાજપ,કોંગ્રેસ અને આમ આદમી પાર્ટી તેમજ અપક્ષ મળી કુલ ૯ ઉમેદવારો મેદાનમાં છે.જીલ્લા પંચાયતની આછોદ બેઠકની વાત કરવામાં આવે તો અહીં ૩૪ હજાર જેટલા મતદારો નોંધાયેલા છે.આછોદ જિલ્લા પંચાયત બેઠક પર ભાજપ પક્ષ માંથી મેલાભાઈ ભીમાભાઈ વસાવા અને કોંગ્રેસ પક્ષ માંથી સોમાભાઈ અંબાલાલ વસાવાએ ઉમેદવારી નોંધાવી છે.જ્યારે જંબુસરમાં પાલિકાના વોર્ડ નંબર ૧ ની ચૂંટણી માટે ૩ રાજકીય પક્ષોએ તેમના ઉમેદવારોને મેદાનમાં ઉતાર્યા છે.ભાજપ માંથી અમિષા વાઘેલા, કોંગ્રેસ માંથી વનિતા જાદવ અને આમ આદમી પાર્ટી માંથી કિરણ માછીએ ઉમેદવારી નોંધાવી છે.તો હાંસોટ તાલુકા પંચાયતની પંડવાઈ બેઠક પર ૨૪૦૦ જેટલા મતદારો નોંધાયેલા છે.પંડવાઈ બેઠક પર ભારતીય જનતા પાર્ટી માંથી મનીષ પટેલ તો કોંગ્રેસ માંથી ધવલ પટેલે ઉમેદવારી નોંધાવી છે.પંડવાઈ બેઠકના સભ્યએ રાજીનામું આપતા આ પેટા ચૂંટણી યોજાઈ રહી છે.
ત્રણેય બેઠકની ૧ વાગ્યા સુધીમાં મતદાનની ટકાવારી જોઈએ તો આછોદ બેઠક ઉપર ૨૯.૭૪, પંડવાઈ બેઠક ઉપર ૫૨.૦૫ અને જંબુસર પાલિકાના વોર્ડ નંબર ૧ બેઠક ઉપર ૨૫.૧૭ ટકા મતદાન યોજાયું હતું.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
