– રિક્ષામાં પેસેન્જર બનીને બેઠેલા ગેંગના ૩ ને ઝડપી પાડી ૭૫ હજારનો મુદ્દામાલ જપ્ત કર્યો
ભરૂચ,
ભરૂચ એ ડિવિઝન પોલીસે સિનિયર સિટિઝન પાસેથી રૂપિયાની ચોરી કરનારી ૩ શખ્સોની ગેંગને ભરૂચ પોલીસે ઝડપી પાડી ૭૫ હજારનો મુદ્દામાલ જપ્ત કરી કાયદેસરની કાર્યવાહી હાથધરી હતી.
ગત તારીખ ૧૫ મી ફેબ્રુઆરીએ શંકર મંગળદાસ મહેતા નામના સિનિયર સિટીઝન ભરૂચ સિવિલ હોસ્પિટલ બહાર રિક્ષાની રાહ જોઈ રહ્યા હતા.ત્યારે એક રિક્ષા ચાલકે તેમને બેસાડ્યા હતા.રિક્ષામાં પહેલેથી બે શખ્સો બેઠેલા હતા.જેમણે સિનિયર સિટીઝનના ખિસ્સા માંથી ૧૫ હજાર રૂપિયા ચોરી કરતા સિનિયર સિટીઝને ભરૂચ એ ડિવિઝન પોલીસ મથકમાં ફરિયાદ નોંધાવી હતી.જે ફરિયાદના આધારે પોલીસે VISWAS પ્રોજેક્ટ અંતર્ગત સ્માર્ટ કેમેરાની મદદથી રિક્ષાનો નંબર શોધી કાઢ્યો હતો અને પેટ્રોલિંગ દરમ્યાન શહેરની નવી વસાહત ખોડિયાર માતાના મંદિર પાસેથી આ રિક્ષા મળી આવી હતી.પોલીસ તપાસમાં સુરત માંગરોલના કાદર અબ્દુલભાઈ શેખ,અંકલેશ્વર સુરતી ભાગોળના મક્સુદ યાકુબભાઈ પટેલ અને ભરૂચના શેરપુરાના રિઝવાન અબ્દુલવહાબ ખલીફાની ધરપકડ કરવામાં આવી હતી.પોલીસે આરોપીઓ પાસેથી ૫૦ હજારની કિંમતની રિક્ષા, ૩ મોબાઈલ ફોન જેની કિંમત ૧૦,૫૦૦ રૂપિયા અને રોકડા ૧૫,૧૦૦ રૂપિયા મળી કુલ ૭૫,૬૦૦ રૂપિયાનો મુદ્દામાલ જપ્ત કર્યો હતો. આરોપીઓએ પોલીસ પૂછપરછમાં ગુનાની કબૂલાત કરતા પોલીસે આગળની કાયદેસરની કાર્યવાહી હાથધરી હતી.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
