(સંજય પટેલ,જંબુસર)
જંબુસર નગરપાલિકા વોર્ડ નંબર ૧ ની પેટા ચૂંટણી ગતરોજ યોજાઇ હતી.જેમાં ૨૨૮૦ મતદારોએ પોતાના મત અધિકારનો ઉપયોગ કરતા ૪૭.૬૭ ટકા મતદાન નોંધાયું હતું.જેની મતગણતરી આજરોજ જંબુસર પ્રાંત કચેરી ખાતે યોજાઈ હતી.જેમાં ચાર રાઉન્ડના અંતે ભાજપના અમીષાબેન કરણ વાઘેલા ની તેના પ્રતિસ્પર્ધીથી વધુ મત મળતા વિજેતા જાહેર કરાયા હતા.ભાજપ પક્ષનો ભવ્ય વિજય થતા હોદ્દેદારો કાર્યકરોમાં ખુશીની લહેર જોવા મળી હતી.
જંબુસર નગરપાલિકા વોર્ડ નંબર ૧ ના સદસ્ય લખીબેન અરવિંદભાઈ વાઘેલાનું નિધન થતાં બાકી રહેલી મુદત માટે પેટા ચૂંટણી યોજાઈ હતી.જેમાં ભાજપ પક્ષે અમીષાબેન કરણ વાઘેલા કોંગ્રેસ માંથી વનિતાબેન નૈનેશભાઈ જાદવ તથા આપ પાર્ટીમાંથી કિરણબેન યોગેશકુમાર માછીએ ઉમેદવારી નોંધાવી હતી.જેની ચૂંટણી તારીખ ૧૬હ૦૨-૨૦૨૫ ના રોજ હતી.જેમાં ૪૭.૬૭ ટકા મતદાન નોંધાયું હતું અને ઉમેદવારોનું ભાવી ઇવીએમ મશીનમાં સીલ થયું હતું.આજરોજ પ્રાંત કચેરી ખાતે ચૂંટણી અધિકારી પ્રશાંત ગામીતની નિગરાની હેઠળ મત ગણતરી યોજાઈ હતી.મત ગણતરીમાં ચાર રાઉન્ડની ગણતરી માં અંતે અમીષાબેન કરણ વાઘેલાને ૧૧૮૬ કિરણબેન યોગેશ કુમાર માછીને ૩૨૮ મત, વનિતાબેન નૈનેશભાઈ જાદવને ૭૧૫ મત મળતા વધુ મત ભાજપ ઉમેદવાર અમીષાબેન કરણ વાઘેલા ના હોય તેઓને વિજેતા ઘોષિત કરવામાં આવ્યા હતા. જંબુસર વોર્ડ નંબર ૧ ની મતગણતરી હોય સવારથી જ દરેક પક્ષના હોદ્દેદારો કાર્યકરોમાં અનેરો આનંદ ઉત્સાહ જોવા મળતો હતો અને પ્રાંત કચેરી બહાર લોકટોળા ઉમટી પડ્યા હતા. ભાજપની જીત થતા કંઈ ખુશી કહી ગમના દ્રશ્યો સર્જાયા હતા.ભાજપની જીતની ખુશીમાં ડી જે ના તાલે સૌ ઝુમી ઉઠયા હતા.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
