– બન્ને તાલુકામાં કુલ ૩ લાખ ૭૭ હજાર લોકોને ડીઈસી તથા આલબેન્ડાઝોલ નામની દવાના ડોઝનું ઘરે ઘરે વિતરણ
(જ્યોતિ જગતાપ,રાજપીપલા)
નર્મદા જિલ્લાના નાંદોદ તાલુકામાં હાથીપગાના ૩ શંકાસ્પદ કેસો નોંધાતા જિલ્લાનું આરોગ્ય તંત્ર દોડતું થઈ ગયું છે.આરોગ્ય વિભાગ દ્વારા ૧૦ થી ૧૨ ફેબ્રુઆરી ત્રણ દિવસ સામુહિક દવા ગળાવવા તથા ૧૩ અને ૧૪ ફેબ્રુઆરીના રોજ મોપઅપ રાઉન્ડનું આયોજન કર્યું છે.જયારે રાજપીપલા શહેરમાં કુલ ૯ વોર્ડમાં ૧૬ તારીખથી ડોર ટુ ડોર દવા ગળવાનું અભિયાન ચાલુ કરવામાં આવશે બન્ને તાલુકામાં કુલ ૩ લાખ ૭૭ હજાર લોકોને ડીઈસી તથા આલબેન્ડાઝોલ નામની દવાઓ ગળાવવામાં આવી છે.
આરોગ્ય વિભાગના જણાવ્યા અનુસાર લીમ્ફેટીક ફાઈલેરીયા જે હાથીપગો રોગ તરીકે ઓળખાય છે.નર્મદા જિલ્લાના નાંદોદ તાલુકામાં ૩ શંકાસ્પદ લક્ષણો દેખાયાં છે.જેના પગલે આરોગ્ય વિભાગે તુરંત એકશનમાં આવી નાંદોદ તાલુકામાં ૨૨૭ અને દેડિયાપાડામાં ૩૧૦ કર્મીઓની ટીમ ઉતારી છે.આ રોગને અટકાવવા આરોગ્ય વિભાગ દ્વારા ત્રણ દિવસ દરમ્યાન આંગણવાડી,શાળા અને કોલેજોમાં બાળકો માટે તથા અન્ય પુખ્ત વયનાં લોકોને ટીમો દ્વારા ઘરે -ઘરે રૂબરૂમાં ડીઈસી તથા આલબેન્ડાઝોલ નામની દવાઓ ગળાવવામાં આવી હતી.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
