– ચોરીની સમગ્ર ઘટના સીસીટીવી કેમેરામાં કેદ : પોલીસે ડોગ સ્કોડ તેમજ એફ.એસ.એલની મદદ મેળવી અજાણ્યા તસ્કરોનું પગેરું મેળવવા કવાયત
આમોદ,
આમોદ તાલુકાના ઈખર ગામે આવેલી હર્ષ જવેલર્સ નામની દુકાનમાંથી રાત્રીના સમયે અજાણ્યાં તસ્કરોએ દુકાનનું શટર ઊંચું કરી દુકાનમાં પ્રવેશ કરી રૂપિયા ૩.૯૬ લાખના સોના ચાંદીના દાગીના ચોરીને પલાયન થઈ ગયા હતાં.જોકે ચોરી અંગેની સમગ્ર ઘટના દુકાનમાં રહેલા સીસીટીવી કેમેરામાં કેદ થઈ જતાં દુકાન માલિકે આમોદ પોલીસ મથકે અજાણ્યા તસ્કરો સામે ચોરીની ફરિયાદ નોધાવી હતી.
ભરૂચ જીલ્લાના આમોદ તાલુકામાં આવેલા ઈખર ગામે ધર્મેન્દ્ર સોની વર્ષોથી હર્ષ જ્વેલર્સ નામની દુકાન ધરાવે છે.અને સોના ચાંદીના દાગીનાનો વેપાર કરે છે.ગત રોજ તેઓ નિત્ય ક્રમ મુજબ દુકાન બંધ કરીને ઘરે ગયા હતાં ત્યાર બાદ સવારે તેજલબેન મકવાણાએ સવારે ફોન કરીને જણાવ્યું હતું કે તમારી દુકાનનું શટર ઉંચુ છે તેમ જણાવતા દુકાન માલિક ઇખર ગામે આવતાં દુકાનનું શટર ઉંચુ થયેલું જોયું હતું.જેથી તેમને પોતાની દુકાનમાં ચોરી થઈ હોવાનું માલુમ પડ્યું હતું.રાત્રિના ૨.૪૫ વાગ્યાના સમયે અજાણ્યા ચોરોએ દુકાનના શટરને કોઈ લોખંડના પાઇપ વડે ઉંચુ કરી બેન્ડ વાળી દુકાનમાં પ્રવેશ કરી અજાણ્યા તસ્કરો સોના ચાંદીના દાગીના જેની કિંમત રૂપિયા આશરે ૩.૯૬ લાખની ચોરી કરી પલાયન થઈ ગયા હતા.જવેલર્સના માલિક ધર્મેન્દ્ર સોનીએ આમોદ પોલીસ મથકે ચોરીની ફરિયાદ આપતા પોલીસે ડોગ સ્કોડ તેમજ એફ.એસ.એલની મદદ મેળવી અજાણ્યા તસ્કરોનું પગેરું મેળવવા કવાયત હાથધરી હતી.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
