વાગરાના ભેરસમ નજીક ટ્રેક્ટર પલ્ટી ખાઇ જતા નીચે દબાઈ જવાથી ચાલકનું કરુણ મોત નિપજ્યું

વાગરા,
વાગરા તાલુકામાં આવેલાં ભેરસમ ગામે રહતો યુવાન ટ્રેક્ટર લઈને જતો હતો.દરમ્યાન તેનો કાબૂ નહીં રહેતાં ટ્રેક્ટર પલટી જતાં તેની નીચે દબાઈ જવાથી તેનું મોત નીપજ્યું હતું.
પ્રાપ્ત માહિતી અનુસાર ભરૂચ જીલ્લાના વાગરા તાલુકાના ભેરસમ ગામે રાઠોડ વાસમાં રહેતાં મણીલાલ કેશવ રાઠોડનો પુત્ર ઈશ્વર તેમના ગામના પ્રભુ પટેલનું ટ્રેક્ટર લઈને બોદલ કેમિકલ કંપની પાસે આવેલાં ખાલી પ્લોટ પર પાણીનું ટેન્કર લેવા માટે ગયો હતો.ટ્રેક્ટર સાથે ટેન્કર જોડીને તે પરત આવી રહ્યો હતો.તે વેળાં કોઈ કારણસર તેનું સ્ટિયરિંગ પરના કાબુ નહીં રહેતાં તેનું ટ્રેક્ટર રોડની સાઈડમાં ઉતરી જતાં ટ્રેક્ટર અને ટેન્કર બંને પલ્ટી મારી ગયા હતા.આ દરમ્યાન ઈશ્વર ટ્રેક્ટર પરથી ઉતરી નહીં શકતાં તે ટ્રેક્ટર નીચે દબાઈ ગયો હતો. ઘટનાને પગલે આસપાસના લોકો એકત્ર થઈ ગયાં હતા.બીજી તરફ ક્રેઈન બોલાવી ટ્રેક્ટર – ટેન્કરને બહાર કાઢી તેની નીચે દબાયેલાં ઈશ્વર રાઠોડના મૃતદેહને બહાર કાઢતા પરિવારજનોમાં શોકનું મોજું ફરી વળ્યું હતું.તો અકસ્માતના બનાવના પગલે વાગરા પોલીસે ગુનો નોંધી વધુ તપાસ હાથધરી છે.

Author: BNI News

Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is