એક સમયે પોતાની વિસ્ફોટક બેટિંગથી ડર ફેલાવનારી ટીમ ઈન્ડિયા હવે પોતાની બોલિંગથી પણ વિરોધીઓને ડરાવવા લાગી છે. ICC ચેમ્પિયન્સ ટ્રોફી 2025નું જ ઉદાહરણ લઈ લો. આ ટુર્નામેન્ટમાં 10 દિવસમાં બે ભારતીય બોલરોએ એક ઈનિંગમાં 5-5 વિકેટ લીધી છે. મોહમ્મદ શમીએ તેની શરૂઆત કરી, જેને વરુણ ચક્રવર્તીએ આગળ ધપાવી. એ અલગ વાત છે કે બંને ખેલાડીઓ રવિન્દ્ર જાડેજાનો 12 વર્ષ જૂનો રેકૉર્ડ ન તોડી શક્યા.
ભારતે ચેમ્પિયન્સ ટ્રોફી 2025માં પોતાના અભિયાનની શરૂઆત 20 ફેબ્રુઆરીના રોજ કરી હતી. ભારતે પ્રથમ મેચમાં બાંગ્લાદેશને 6 વિકેટથી હરાવ્યું હતું. ભારતની જીતનો સૌથી મોટો હીરો મોહમ્મદ શમી હતો. તેણે 5 વિકેટ લીધી ખેરવી હતી. તેનું બોલિંગ એનાલિસિસ 10-0-53-5 હતું. રસપ્રદ વાત એ છે કે, ચેમ્પિયન્સ ટ્રોફીમાં શમીની આ પહેલી જ મેચ હતી.
મોહમ્મદ શમીની જેમ વરુણ ચક્રવર્તીએ પણ ચેમ્પિયન્સ ટ્રોફીની પોતાની પહેલી જ મેચમાં ધમાલ મચાવી દીધી હતી. ભારતીય ટીમે બે મેચ જીત્યા બાદ ન્યૂઝીલેન્ડ સામે વરુણ ચક્રવર્તીને તક આપી. વરુણે આ તકનો પૂરો ફાયદો ઉઠાવ્યો અને 5 વિકેટ લઈને પ્લેયર ઓફ ધ મેચનો એવોર્ડ પોતાના નામે કર્યો. તેનું બોલિંગ એનાલિસિસ 10-0-42-5 હતું.
ભારત તરફથી સૌથી શ્રેષ્ઠ બોલિંગનો રેકોર્ડ રવિન્દ્ર જાડેજાના નામે
આઈસીસી ચેમ્પિયન્સ ટ્રોફી 1998થી રમાઈ રહી છે. ત્યારથી અત્યાર સુધીમાં માત્ર ત્રણ ભારતીય બોલર આ ટુર્નામેન્ટની એક મેચમાં ત્રણ ભારતીય બોલરો 5 વિકેટ લઈ શક્યા છે. મોહમ્મદ શમી અને વરુણ ચક્રવર્તી પહેલા આ કમાલ રવિન્દ્ર જાડેજાએ કર્યો હતો. ઓલરાઉન્ડર જાડેજાએ 12 વર્ષ પહેલા વેસ્ટ ઈન્ડિઝ સામે 5 વિકેટ ઝડપી હતી. તેનું બોલિંગ એનાલિસિસ 10-2-42-5 હતું. તેણે શમી અને વરુણ કરતાં ઓછા રન તો આપ્યા જ હતા, પરંતુ બે મેડન ઓવર પણ ફેંકી હતી. આમ ચેમ્પિયન્સમાં ભારત તરફથી સૌથી શ્રેષ્ઠ બોલિંગનો રેકૉર્ડ રવિન્દ્ર જાડેજાના નામે છે.
માહરુફના નામે વર્લ્ડ રેકૉર્ડ
જો આપણે આખી દુનિયાની વાત કરીએ તો ચેમ્પિયન્સ ટ્રોફીમાં માત્ર બે જ બોલર એવા છે જેનો રેકૉર્ડ રવિન્દ્ર જાડેજા કરતા સારો છે. આ બે બોલર શ્રીલંકાના ફરવીઝ માહરુફ અને ઓસ્ટ્રેલિયાના જોશ હેઝલવુડ છે. આ બંને બોલરો ટુર્નામેન્ટની એક મેચમાં 6 વિકેટ ખેરવી ચૂક્યા છે. માહરુફના નામે ચેમ્પિયન્સ ટ્રોફીનું બેસ્ટ બોલિંગ એનાલિસિસ 9-2-14-6 છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
