– ડભોઈ હોસ્પિટલમાં ખસેડાયા : તિલકવાડાના મોટા ભાવપુરા ટેકરા ગામે જિલ્લા પંચાયત પ્રમુખ લગ્ન પ્રસંગમાં ગયા હતા ત્યારે આ ઘટના બની : પ્રમુખ કેમ વચ્ચે પડ્યા? તેની રિસ રાખી તેમના પર હુમલો કરવામાં આવ્યો હતો
(જ્યોતિ જગતાપ,રાજપીપલા)
નર્મદા જિલ્લા પંચાયતના પ્રમુખ ભીમસિંગ તડવી અને અન્ય ઈસમ પર હુમલો થવાની ઘટનાએ ચકચાર જગાવી છે.પ્રમુખ ઈજાગ્રસ્ત થતા ડભોઈ સારવાર અર્થે ખસેડવામાં આવ્યા હતા.મોડી રાત્રે બનેલ ઘટનાને પગલે તિલકવાડા પોલીસને ઘટનાની જાણ થતાં જ નર્મદા એલ.સી.બી પોલીસ ઘટના સ્થળે પહોંચી હતી.
તિલકવાડાના મોટા ભાવપુરા ટેકરા ગામે જિલ્લા પંચાયત પ્રમુખ લગ્ન પ્રસંગમાં ગયા હતાત્યારે આ ઘટના બની હતી.લગ્ન પ્રસંગમાં કોઈક કારણોસર યુવાનો વચ્ચે માથાકુટ થઈ હતી જેમાં જિલ્લા પંચાયત પ્રમુખ છોડાવવા વચ્ચે પડ્યા હતાત્યારે પ્રમુખ કેમ વચ્ચે પડ્યા? તેની રિસ રાખી તેમના પર હુમલો કરવામાં આવ્યો હતો.જિલ્લા પંચાયત પ્રમુખ ઇજાગ્રસ્ત થતા તેમને ડભોઇ સારવાર અર્થે ખસેડવામાં આવ્યા હતા.જોકે આ ઘટનાની હજુ સુધી પોલીસ ફરિયાદ નોંધાઇ નથી પણ ફરિયાદ નોંધવાના ચક્રો ગતિમાન થયાં હોવાનું જાણવા મળેલ છે.
આ ઘટનામાં વરરાજાની ગાડીને પણ નુકસાન પહોંચાડવામાં આવ્યું હતું.જિલ્લા પંચાયત પ્રમુખ ભીમસિંગ તડવી ભાજપ પક્ષના જ છે અને હુમલો કરનારા પણ એજ પક્ષના હોવાનું અનુમાન છે.સમગ્ર ઘટના ભારે ચર્ચાનો વિષય બન્યો છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
