અમેરિકન રાષ્ટ્રપ્રમુખ ડોનાલ્ડ ટ્રમ્પે સોમવારે (ત્રીજી માર્ચ) જાહેરાત કરી હતી કે મેક્સિકો અને કેનેડાથી થતી આયાત પર 25% ટેરિફ મંગળવાર (ચોથી માર્ચ)થી લાગુ કરાશે. આ ઉપરાંત તેમણે ચેતવણી આપી હતી કે આ દેશ પાસે હવે અમેરિકન વેપાર કાર્યવાહીથી બચવા માટે કોઈ રસ્તો બચ્યો નથી. આ જાહેરાત બાદ એક મહિના માટે ટેરિફ અગાઉ બંધ કરવામાં આવ્યા હતા, જેનાથી કેનેડા અને મેક્સિકો સાથે રાજદ્વારી વાટાઘાટો માટે જગ્યા મળી.
ચીની આયાત પર 20% ટેરિફ વધારવા આદેશ
પત્રકાર પરિષદમાં સંબોધન અમેરિકન રાષ્ટ્રપ્રમુખ ડોનાલ્ડ ટ્રમ્પે જણાવ્યું હતું કે,’ચોથી માર્ચથી કેનેડા અને મેક્સિકો પર 25% ટેરિફ લાદવામાં આવશે. તે પહેલાથી જ શરૂ થઈ ગયું છે.’ આ ઉપરાંત ટ્રમ્પે ચીની આયાત પર પહેલાથી જ લાદવામાં આવેલા 10% ટેરિફને 20% સુધી વધારવાનો આદેશ પણ આપ્યો છે. આ આદેશ પણ આજથી અમલમાં આવશે. ફેન્ટાનાઈલના ગેરકાયદે વેપાર સામે લડવા માટે ચીને હજુ સુધી કોઈ નક્કર વ્યૂહરચના વિકસાવી નથી
કેનેડાના વિદેશ મંત્રી મેલાની જોલીનો વળતો પ્રહાર
કેનેડાના વિદેશ મંત્રી મેલાની જોલીએ કહ્યું કે, ‘જો ટ્રમ્પ તેમની ટેરિફ યોજના લાગુ કરશે તો તેમની સરકાર બદલો લેવા તૈયાર છે. અમે 155 બિલિયન ડોલરના ટેરિફ સાથે તૈયાર છીએ. અમે ટેરિફના પ્રથમ તબક્કા સાથે તૈયાર છીએ, જે 30 બિલિયન ડોલર છે.’
‘ટ્રમ્પની ધમકીઓનો જવાબ આપી છું’
મેક્સીકન પ્રમુખ ક્લાઉડિયા શેનબૌમે કહ્યું કે, ‘અમે ડોનાલ્ડ ટ્રમ્પની ટેરિફ અંગેની ધમકીઓનો જવાબ આપી છું. આ એક એવો નિર્ણય છે જે યુનાઇટેડ સ્ટેટ્સની સરકાર અને યુનાઇટેડ સ્ટેટ્સના પ્રમુખ પર આધાર રાખે છે. તેથી તેમનો નિર્ણય જે પણ હશે, અમે પણ અમારો નિર્ણય લઈશું. અમારી પાસે પણ એક યોજના છે.’
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
