(સંજય પટેલ,જંબુસર)
જંબુસર નગરપાલિકાના અણઘડ વહીવટને કારણે જંબુસર નગરની સ્ટ્રીટ લાઈટ કનેક્શન કપાતા અંધારપટ ફેલાયો હતો.
જંબુસર નગરપાલિકા વિસ્તારમાં ચાલતા ગટર,પાણીનું બિલ ૧ કરોડ ૧૪ લાખ થવા છતાંય પાલિકા દ્વારા ડીજીવીસીએલમાં આ બિલની રકમ નહીં ભરાતા જીઈબી દ્વારા લાલ આંખ કરવામાં આવી હતી અને જંબુસર નગરપાલિકા વિસ્તારની સ્ટ્રીટ લાઈટનું કનેક્શન કાપી નંખાતા જંબુસર નગરમાં અંધારપટ છવાયો હતો.હાલ ધાર્મિક તહેવાર ચાલતા હોય અને આજ સમયે જંબુસર નગરમાં અંધકાર છવાઈ જતા જનતા હેરાન પરેશાન થઈ ઉઠી છે.
વીજબિલ ભરી જવા માટે કંપનીએ પાલિકાને નોટિસ પણ આપી હતી પરંતુ બિલ ભરવામાં આવ્યું ન હતું જેથી સ્ટ્રીટલાઇટના જોડાણ કાપી નાખવામાં આવ્યાં છે.હાલમાં ધોરણ ૧૦ અને ૧૨ ની વાર્ષિક પરીક્ષા ચાલી રહી છે.લગ્ન સિઝન તેમજ મુસ્લિમ બિરાદરો ના પવિત્ર રમજાન માસ ચાલે છે અને મોડી રાત સુધી બજારમાં ચહલ પહલ રહે છે ત્યારે અંધારપટ થતાં નગરજનોમાં ભારે રોષ જોવા મળી રહ્યો છે.ચાલુ મહિનાની 31મી તારીખે નાણાકીય વર્ષનો અંત આવશે તે પહેલાં બાકી બિલની વસુલાત માટે વીજકંપની તરફથી કાર્યવાહી શરૂ કરવામાં આવી છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
