અંકલેશ્વર,
અંકલેશ્વર નગર સેવાસદનના સભાખંડમાં નગરપાલિકા પ્રમુખ લલીતાબેન રાજપુરોહિતની અધ્યક્ષતામાં બજેટલક્ષી સામાન્ય સભા યોજાઈ હતી.આ સભામાં રેવન્યુ તથા ગ્રાન્ટ-કેપિટલ ઉપજ સહિત કુલ ૮૬.૮૬ કરોડનું બજેટ રજૂ કરવામાં આવ્યું હતું.બજેટમાં કુલ ખર્ચ રેવન્યુ તથા કેપિટલ ગ્રાન્ટ ૭૪.૨૩ કરોડની જોગવાઈ કરવામાં આવી છે.આ સાથે બંધ સિલક ૧૨.૬૩ કરોડની પુરાંત સાથેનું બજેટ મંજૂર કરાયું હતું.
સભાના પ્રારંભમાં જ વિપક્ષના નેતાએ શાસક પક્ષ પર આકરા પ્રહારો કર્યા હતા.તેમણે આક્ષેપ કર્યો કે શાસક પક્ષ મોટા સપના બતાવે છે,પરંતુ વાસ્તવમાં પોણા ભાગનું પણ કામ થતું નથી.આ મુદ્દે સભા તોફાની બની હતી અને વિપક્ષના સભ્યોએ વિરોધ કર્યો હતો.
વિપક્ષનો આરોપ હતો કે શાસક પક્ષ બજેટ ચર્ચાથી દૂર ભાગવા બિનજરૂરી મુદ્દાઓ ઉઠાવે છે.તેમણે આ બજેટને મુંગેરીલાલના હસીન સપના જેવું ગણાવ્યું હતું.બોર્ડ મિટિંગ દરમ્યાનન શાસક પક્ષે ૧૫ જેટલા વિકાસ કાર્યોના ઠરાવો બહુમતીથી મંજૂર કર્યા હતા. આગામી વર્ષ માટે નગર સેવાસદને રોડ, ડ્રેનેજ, શહેર સુશોભન,સ્વચ્છતા અને આરોગ્ય સેવાઓના વિકાસ કાર્યોનો રોડ મેપ તૈયાર કર્યો છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
