– હોળી માતાની પ્રદક્ષિણા કરી પરિવારની સુખ,શાંતિ,સમૃદ્ધિની પ્રાર્થના કરી
(ભાવેશ પંડ્યા,ભાલોદ)
ઝઘડીયા તાલુકાના અનેક ગામો, ઉલ્લાસભેર હોળી પ્રગટાવી ઉજવણી કરાઈ હતી.જેમાં અનેક સ્થળોએ હોલિકા દહનના કાર્યક્રમો યોજાયા હતા. જેમાં કોઈ સ્થળે વૈદિક હોળી તો કોઈ સ્થળે લાકડાની હોળી પ્રગટી હતી.ઝઘડિયા તાલુકાના ભાલોદ, રાજપારડી, ઝઘડીયા, ઉમલ્લા જેવા વિવિધ વિસ્તારોમાં હોળી પ્રગટાવવામાં આવી હતી.ઝઘડીયા તાલુકામાં હોલિકા પર્વની ધાર્મિક માહોલમાં ઉજવણી કરાઈ હતી.આજરોજ મોડી સાંજે ગામના પાદર કે મુખ્ય ચોક જેવા વિસ્તારનાં સ્થાન પર છાણા લાકડાં ની હોળી ખડકવામાં હતી ત્યારબાદ હોળીકાનું વિધિપૂર્વક પૂજન અર્ચન કરી હોળી પ્રગટાવવામાં આવી હતી.હોળી પર્વ નિમિત્તે પ્રગટાવેલ હોળીની શ્રીફળ,ચણા, ખજુર, ધાણી, મમરા હરડા વગેરે પવિત્ર મનાતી વસ્તુઓથી પૂજન અર્ચન કરી હોળીકાની પ્રદક્ષિણા કરી સમગ્ર વર્ષ દરમ્યાન નિરોગી રહેવાની કામના કરી હતી.તો ગ્રામ્ય વિસ્તારમાં હોળીની જ્વાળા પરથી ચોમાસું કેવું રહેશે તેનો વરતારો પણ ભાખવામાં આવ્યો હતો.હોળી પર્વએ ભક્ત પ્રહલાદ અને હિરણ્યકશ્યપુની કથા સાથે સંકળાયેલો છે.ત્યારે આજે ઝઘડીયા તાલુકાના વિવિધ વિસ્તારોમાં હોળી પ્રગટાવી ભક્તોએ હોળીના દર્શન કરી ધન્યતા અનુભવી હતી.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
