– શાસક અને વિપક્ષના સદસ્યોની પ્રમુખના વહીવટ પ્રત્યેની નારાજગી સ્પષ્ટ જોવા મળી
આમોદ,
આમોદ નગરપાલિકાની આજરોજ પાલીકા પ્રમુખ જલ્પા પટેલનાં અઘ્યક્ષ સ્થાને સભાખંડમાં સામાન્ય સભા મળી હતી.જેમાં બાબતે દરેક સદસ્યોને એજન્ડા આપી દેવામાં આવ્યા હતા.પરંતુ આજની સામાન્ય સભામાં ૨૪ માંથી માત્ર ત્રણ જ સદસ્યો હાજર રહયા હતા.૨૧ સદસ્યો ગેરહાજર રહ્યા હતા.જેથી કોરમના થવાથી સભા મુલતવી રાખવામા આવી હતી.આજરોજ યોજાયેલી સામાન્ય સભામાં પ્રમુખ જલ્પા પટેલ, કારોબારી અધ્યક્ષ ગીતા પટેલ, તેમજ અક્ષર પટેલ સહિત ત્રણ જ સદસ્યો હાજર રહ્યા હતા.આમોદ પાલિકાના સદસ્યોની ચર્ચા મુજબ પ્રમુખ જલ્પાબેનના વહીવટ થી ખુદ ભાજપનાં સદસ્યો નારાજ છે તેમજ વિપક્ષ પણ નારાજ હોય વિપક્ષના પણ કોઈ સદસ્ય હાજર રહયા ન હોતા.આ સામાન્ય સભા અત્યંત મહત્વની હોવા છતાં સત્તાધારી પક્ષના ૧૧ સદસ્યો તેમજ અપક્ષના ૧૦ સભ્યો કોઈક કારણો થી હાજર ન રહેતા ૧૨:૩૦ કલાકે પ્રોસિડિંગમા કોરમ ન થવાનુ જણાવી સામાન્ય સભા મુલતવી રાખી હતી.
આજની સામાન્ય સભામાં અગાઉની સામાન્ય સભાના ઠરાવોને બહાલી આપવી તથા કારોબારી સભામા મંજૂરીની અપેક્ષાએ ટેન્ડર મંજૂર કરેલ જેને બહાલી આપવી તેમજ ત્રિમાસિક આવક જાવક મંજુર કરવી અને મંજૂરીની અપેક્ષાએ કરેલ પ્રમુખના હુકમોને બહાલી આપવી.ઉપરાંત તેમજ વર્ષ ૨૦૨૪- ૨૫ માં થયેલ પ્રિમોન્સુન કામગીરીની સમીક્ષા કરી બિલ ચૂકવવા સહિતની મહત્વની ચર્ચાઓ તથા ઠરાવોને બહાલી આપવાની હતી પરંતુ નગરપાલિકાના સત્તાધારી ભાજપના ૧૧ સભ્યો તેમજ અપક્ષના ૧૦ સદસ્યો મિટિંગમાં હાજર ન રહેતા સામાન્ય સભા મુલતવી રાખવામાં આવી હતી.
આ અંગે પ્રમુખ જલ્પા પટેલે જણાવ્યું હતું કે વાતાવરણના કારણે કોરમ થઈ શક્યું નહોતુ અને કોઇ પણ સદસ્યોમાં કોઈ નારાજગી નથી જ્યારે મંજૂરીની અપેક્ષાએ થયેલ કામોની બિલ ચુકવણી અંગે પુછતાંછ કરતા જણાવ્યું હતું કે થયેલ કામોની ગુણવત્તા પ્રમાણે આગળની સામાન્ય સભામાં બહાલી મેળવી બિલનું ચુકવણું કરવામાં આવશે.
અપક્ષ સદસ્ય મહેન્દ્ર દેસાઈ સાથે ટેલિફોનિક વાત કરતા જણાવ્યું હતું કે નગરપાલિકાના સત્તાધારી બોર્ડ દ્વારા નગરજનોના સામાન્ય પ્રશ્નો જેવા કે સ્ટ્રીટ લાઈટ વારંવાર કપાઈ જવી અનિયમિત પાણી,રસ્તા રીપેરીંગ તેમજ ડોર ટુ ડોર કચરા કલેક્શન માટે ટેમ્પાના મોકલવા જેવી પ્રાથમિક સેવાઓની વારંવાર મૌખિક રજૂઆતો કરવા છતાં અમારી કામગીરી ન કરતા હોવાથી અમો તમામ અપક્ષના સભ્યો મિટિંગમા ગેરહાજર રહ્યા હતા.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
