આમોદ,
આમોદ તાલુકાના પંચાયતના આજરોજ બપોરે બે વાગ્યે બોલાવેલી સામાન્ય સભા કોરમ નહી મળતા મુલતવી રાખવામા આવી હતી.તાલુકા પંચાયતના કુલ ૧૬ સભ્યો માંથી માત્ર કોંગ્રેસના ત્રણ જ સભ્યો ઝુબેદા દુલભા મલેક, ઈસ્માઈલ પારીયા તેમજ મહંમદ ઈબ્રાહીમ સેવા પટેલ હાજર રહયા હતાં.જ્યારે સત્તાધારી પાર્ટી ભાજપના કોઈ સભ્યો હાજર રહ્યા ન હોતા.જેમના અઘ્યક્ષ સ્થાને સામાન્ય સભા મળવાની હતી અને જેમની સહીથી સભ્યોને એજન્ડા આપાવામાં આવ્યા હતા તે તાલુકા પંચાયતના પ્રમુખ હેમાબેન પરમાર જ ખુદ ગેરહાજર રહેતા ભાજપની ભવાઈ જોવા મળી હતી.અત્રે ઉલ્લેખનીય છે કે આજરોજ આમોદ તાલુકા પંચાયતનું વર્ષ ૨૦૨૫-૨૬ નું કુલ ૪૯.૭૫ કરોડનું અંદાજપત્ર રજૂ થવાનું હતુ.પરંતુ તાલુકા પંચાયતના ૧૬ સભ્યોમાંથી સત્તાધારી પાર્ટીના પ્રમુખ સહિત ૧૧ સભ્યો ગેરહાજર રહ્યા હતાં.જ્યારે કોંગ્રેસના પાંચ માંથી માત્ર ત્રણ સભ્યો હાજર રહ્યા હતા.તાલુકા પંચાયતના વહીવટથી ખુદ પ્રમુખ જ નારાજ હોય તેમ ચર્ચાઈ રહ્યું છે.આ બાબતે તાલુકા વિકાસ અધિકારી ધ્રુવ પટેલે જણાવ્યું હતું કે ૧૬ સભ્યો માંથી માત્ર ત્રણ જ સભ્યો હાજર હતા.જેથી કોરમ ના થવાથી સભા મુલતવી રાખવામા આવી હતી.
– સત્તાધારી પાર્ટી ભાજપે ખુદ શિસ્તબધ્ધ ગણાતી ભાજપની આબરૂના ધજાગરા ઉડાવ્યા
આમોદ નગરપાલીકા તેમજ આમોદ તાલુકા પંચાયતમાં સત્તાધારી પાર્ટી ભાજપનું શાસન છે.પરંતુ પાર્ટીના સિમ્બોલ ઉપર ચૂંટાયેલા સભ્યો જ જાણે શિસ્તબધ્ધ ગણાતી ભાજપ પાર્ટીના ધજાગરા ઉડાવતા હોય તેમ લાગી રહ્યું છે.આમોદ નગરપાલિકાની ૧૫ મી માર્ચે પ્રમુખ જલ્પાબેન પટેલે બોલાવેલી સામાન્ય સભામાં ખુદ ભાજપનાં જ ૧૧ સભ્યો ગેરહાજર રહ્યા હતા.તેમજ વિપક્ષના તમામ સભ્યો ગેરહાજર રહ્યા હતા.જેથી કોરમના મળવાથી સામાન્ય સભા મુલતવી રહી હતી.જ્યારે આજરોજ ૨૦ માર્ચે બોલાવેલી આમોદ તાલુકા પંચાયતની સામાન્ય સભા.પોતે પ્રમુખ હેમાબેન પરમારે બોલાવી સભ્યોને પોતાની સહીથી એજન્ડા અપાયા હતા છતા સતાધારી પાર્ટી ભાજપનાં પ્રમુખ સહિત સભ્યો ગેરહાજર રહ્યા હતા અને કોંગ્રેસના માત્ર ત્રણ જ સભ્યો હાજર રહ્યા હતા.જેથી કોરમના થવાથી સભા મુલતવી રાખવામા આવી હતી.આમ.આમોદ નગરપાલીકા તેમજ તાલુકા પંચાયતમાં ભાજપની સત્તા હોવા છતાં કોરમના મળવાથી સામાન્ય સભાઓ મુલતવી રહેતા ભાજપની આબરૂના ધજાગરા ઉડી રહ્યા છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
