(જ્યોતિ જગતાપ,રાજપીપલા)
નર્મદા જિલ્લાના હેલ્મેટ પહેર્યા વગર આડેધડ બેફામ બાઈક હંકારતા વધતા જતા અકસ્માતો અને મોતની વધતી જતી સંખ્યાને ધ્યાને લઈ નર્મદા પોલીસ એક્શનમાં આવી છે. અને લોકો હેલ્મેટ અને સીટ બેલ્ટ ન પહેરે તે તો તેમની સામે દંડની કાર્યવાહી હાથધરી છે.
નર્મદા જિલ્લામાં બાઈક સવારમાં અકસ્માતમાં અત્યાર સુધીમાં ૧૦ થી વધુ લોકોના હેલ્મેટ ન પહેવાથી જીવ જતા નર્મદા પોલીસ એક્શનમાં આવી છે.નર્મદા જિલ્લા પોલીસ દ્વારા આખા જિલ્લામાં ટ્રાફિક ડ્રાઈવ યોજી છે.જેમાં પોલીસ દ્વારા હેલ્મેટ અને સીટ બેલ્ટ બાબતે ડ્રાઈવ રાખવામાં આવી છે.જેમાં જિલ્લા નાયબ પોલીસ વડા વી.આર.ચંદનના જણાવ્યા અનુસાર જિલ્લા માં અત્યાર સુધીમાં ૨૦૦૦ કરતા વધુ લોકોને હેલ્મેટ ન પહેરતા હોય તેવા વાહન ચાલકોને ને દંડ ફટકાર્યો છે.ત્યારે આ ડ્રાઈવ થકી લોકો સુધરે અને પોતાનો જીવ ન ગુમાવે એ માટે હેલ્મેટ પહેરો અને જીવ બચાવોની સમજણ પણ આપવામાં આવી રહી છે,જોકે લોકો હજુ પણ હેલ્મેટ ન પહેરતા પોલીસ કાર્યવાહી કરતા લોકો રોષે પણ ભરાઈ રહ્યા છે તો કેટલાક લોકો હેલ્મેટ નહિ પહેરી આવતા પોલીસને ચકમો આપી ભાગી પણ જતા રહેતા નજરે પડ્યા હતા.ત્યારે આ પોલીસ ડ્રાઈવ થકી લોકો સુધરે છે કે નહિ એ પણ જોવાનું રહ્યું.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
