(સંજય પટેલ,જંબુસર)
જંબુસર નગરના આંગણે દાજીબાવા ટેકરા સ્થિત ભૂતનાથ મહાદેવનું મંદિર આવેલ છે.ભૂતનાથ મહાદેવ મહિલા ભજન મંડળને પાંચ વર્ષ પૂર્ણ થતા હોય તેની ઉજવણીના ભાગરૂપે ભવ્ય શોભાયાત્રા મંદિર ખાતેથી ડીજેના તાલે નીકળી હતી.જે નગરના મુખ્ય માર્ગો પર ફરી કાછીયા પટેલ વાડી ખાતે પહોંચી તથા મહાપ્રસાદનું આયોજન કરાયું જેનો મોટી સંખ્યામાં ભક્તજનોએ લાભ લીધો હતો.
જંબુસર દાજીબાવા ટેકરે આવેલ ભુતનાથ મહાદેવ મંદિર જે વર્ષો જૂનું છે.જ્યાં રહીશો દ્વારા પૂજાઅર્ચન, આરતી નિયમિત કરવામાં આવતા હોય છે.છેલ્લા પાંચ વર્ષથી ભૂતનાથ મહાદેવ મહિલા ભજન મંડળ દ્વારા ભજન કીર્તન ધાર્મિક પ્રસંગોની રંગેચગે ભક્તિ ભાવપૂર્વક ઉજવણી કરવામાં આવે છે.મહિલા ભજન મંડળના છઠ્ઠા વર્ષના પ્રારંભે ભવ્ય ઉજવણીનો કાર્યક્રમ રાખવામાં આવ્યો હતો.જેમાં ભોલે કી ફોજ કરેગી મોજ અંતર્ગત ભવ્ય પાલખીયાત્રા મંદિર ખાતેથી ડીજેના તાલે ભક્તિ સંગીતના સથવારે નીકળી હતી.જે નગરના ગણેશ ચોક, ઉપલીવાટ,કોટ દરવાજા,મુખ્ય બજાર,સોની ચકલા,લીલોતરી બજાર થઈ કાછીયા પટેલ વાડી ખાતે સમાપન કરાયું હતું.જ્યાં મહા આરતી યોજાઈ ત્યારબાદ મહાપ્રસાદનો આયોજન કરવામાં આવ્યું. શોભાયાત્રામાં નાના ભૂલકાઓ સાથે યુવાનના વેશભૂષા સૌનું આકર્ષણનું કેન્દ્ર બન્યા હતા.આ સહિત સમાજના યુવાનો દ્વારા કાંસાની રમઝટ બોલાવી સૌને મંત્રમુગ્ધ કર્યા હતા.સદર યોજાયેલ પાલખી યાત્રામાં નગરપાલિકા પ્રમુખ અમિષાબેન શાહ, જંબુસર નગરપાલિકા સદસ્યો,સમાજ પ્રમુખ સંજયભાઈ પટેલ,અગ્રણીઓ, સહિત ભાઈ બહેનો મોટી સંખ્યામાં હાજર રહ્યા હતા.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
