આમોદ,
આમોદ નગરપાલિકાની આજરોજ કારોબારી સભા મળી હતી.જેમાં વર્ષ ૨૦૨૫- ૨૬નું અંદાજપત્ર સર્વાનુમતે મંજૂર કરવામાં આવ્યુ હતું.તેમજ જુલાઈ ૨૦૨૪ થી ડિસેમ્બર ૨૦૨૪ સુધીના આવક જાવકના હિસાબો સર્વાનુમતે મંજૂર કરવામાં આવ્યા હતાં.તેમજ કારોબારી બોર્ડની મંજૂરીની અપેક્ષાએ ટેન્ડર મંજૂર કરવાનો હૂકમને બહાલી આપવામા આવી હતી.અત્રે ઉલ્લેખનીય છે કે આમોદ પાલિકા સભ્યોના અંદરો અંદરના વિખવાદને કારણે સભ્યોમાં અસંતોષ જોવા મળતો હતો.જેનાં કારણે ૧૫ મી માર્ચે રાખવામા આવેલી સામાન્ય સભા કોરમના અભાવે મુલતવી રહી હતી. ત્યારે સભ્યોના અસંતોષ બાબતે જીલ્લા ભાજપ પ્રમુખ પ્રકાશ મોદી તથા ભરૂચના પ્રભારી અશોક પટેલે આમોદ પાલિકાના ભાજપનાં સભ્યોને જીલ્લા ભાજપ કાર્યાલય ખાતે બોલાવી શિસ્તના પાઠ ભણાવ્યા હતા.તેમજ ધારાસભ્ય ડી.કે.સ્વામીએ અને આમોદ શહેર ભાજપ પ્રમુખ મિથુન મોદીએ આમોદ ભાજપ કાર્યાલય ખાતે બોલાવી ભાજપનાં સભ્યોનો અસંતોષ ડામવા ત્રણ કલાકની મેરોથન બેઠક કરી હતી.જેથી ભાજપનાં સભ્યોનો અસંતોષ શાંત થતાં આજ રોજ કારોબારી અઘ્યક્ષ ગીતાબેન પટેલનાં અઘ્યક્ષ સ્થાને મળેલી સભામાં ભાજપનાં પાંચ સદસ્યો અક્ષર પટેલ,રશ્મિકા પરમાર, મહેશ પટેલ,વિનોદ પટેલ સહિતના સભ્યો ઉપસ્થિત રહેતા કોરમ મળતા કારોબારી મળી હતી.જેમાં ટેન્ડર મંજૂરી, વર્ષ ૨૦૨૫-૨૬નું અંદાજપત્ર આવક જાવકના હિસાબો કારોબારીમાં મંજૂર કરવામાં આવ્યા હતા.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
