આમોદ,
આમોદ તાલુકા પંચાયતની ૨૦ મી માર્ચના રોજ સામાન્ય સભા તેમજ બજેટની સભાનું આયોજન કરવામાં આવ્યુ હતું.પરંતુ સામાન્ય સભામાં બોલાવનાર ખુદ અધ્યક્ષ તેમજ ભારતીય જનતા પાર્ટીના ચૂંટાયેલા સદસ્યો હાજર ન રહેતાં કોરમ નહી મળતા સભા મુલતવી રાખવામાં આવી હતી.જે મુલતવી રહેલી સામાન્ય સભા આજે ૨૪ મી માર્ચના રોજ આમોદ તાલુકા પંચાયતના સભાખંડમાં મળી હતી.જેમાં વર્ષ ૨૦૨૫-૨૬ નું ૪૯.૭૫ કરોડનું બજેટ સર્વાનુમતે મંજુર કરવામાં આવ્યુ હતું.તેમજ વર્ષ ૨૦૨૫-૨૬ નુ મનરેગા લેબર બજેટ પણ મંજુર કરવામાં આવ્યું હતું.
આ સામાન્ય સભામાં વિરોધ પક્ષ દ્વારા લેખિત આપવામાં આવ્યુ હતું કે સામાન્ય સભામાં જ્યારે ગ્રાન્ટની ફાળવણી કરવાની હોય અને વિકાસના કામો નક્કી કરવામાં હોય ત્યારે તાલુકા પંચાયતના ચૂંટાયેલા સદસ્ય સિવાય અન્ય કોઈ વ્યક્તિને પ્રવેશ આપવો નહી.તેમજ તાલુકા પંચાયત કચેરીમાં પ્રમુખ તેમજ ઉપપ્રમુખના ચેમ્બરમાં અને તાલુકા વિકાસ અધિકારીના ચેમ્બરમાં બિનજરૂરી રીતે એર કન્ડિશનનો ઉપયોગ થાય છે અને સામાન્ય સભાના સભાખંડમાં એર કન્ડિશન નથી જેથી એર કન્ડિશન કાઢી સભાખંડમાં લગાવવા માટે ટી.ડી.ઓને જણાવ્યુ હતું.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
