– સી ડિવિઝન પોલીસનો કાફલો ઘટના સ્થળે પહોંચ્યો : માથાનો કબ્જો મેળવી સિવિલ હોસ્પિટલ ખાતે મોકલવામાં આવ્યું
– મળી આવેલ માથાના બાકીના ધડને શોધવાની કામગીરી પૂરજોશમાં
ભરૂચ,
ભરૂચ શહેરના દૂધધારા ડેરી નજીક આવેલી એક કાંસ માંથી એક અજાણ્યા પુરુષનો માત્ર માથાનો ભાગ મળી આવતા સમગ્ર વિસ્તારમાં ચકચાર મચી જવા પામી છે.ઘટનાની જાણ થતાં જ સી ડિવીઝન પોલીસના પીઆઈ સહીતના અધિકારીઓ સ્થળ પર દોડી આવી તપાસ હાથઘરી હતી અમે માથાના ભાગનો કબ્જો મેળવી સિવિલ હોસ્પિટલ ખાતે ખસેડવામાં આવ્યો હતો.
ભરૂચ શહેરમાં આજે સાંજ એક ચોંકાવનારી ઘટના સામે આવી છે.જેમાં ભરૂચ દુધધારા ડેરી પાસે એ.બી.સી કંપની તરફ જવાના રસ્તા પર કાંસમાં એક અજાણ્યા પુરુષનો માત્ર માથાનો ભાગ પડ્યો હતો.જેની જાણ સ્થાનિકો સામાજિક કાર્યકર્તા ધર્મેશ સોલંકીને કરી હતી.જેથી તેમણે સ્થળ પર પહોંચી સ્થાનિક પોલીસ મથક સી ડિવીઝનમાં જાણ કરી હતી.ઘટનાની જાણ થતા જ અધિકારીઓનો કાફલો તાત્કાલિક સ્થળ પર દોડી આવ્યા હતા.પોલીસે અજાણ્યા ઈસમનો માથાનો કપાયેલો ભાગ બહાર કાઢી પોસ્ટ મોર્ટમ અર્થે ભરૂચ સિવિલ હોસ્પિટલમાં ખસેડી તે તેના ધડ અંગેની તપાસ હાથધરી હતી.
અત્રે ઉલ્લેખનીય છે કે ભરૂચ જીલ્લા માંથી એક પછી એક સળગેલી હાલતમાં મળી આવેલ મૃતદેહો બાદ આજે પુરુષના માથાનો ભગા મળી આવતા સમગ્ર જીલ્લામાં ચકચાર મચી છે.ત્યારે પોલીસ માટે ચિંતાનો વિષય બનવા સાથે તપાસનો દૌર વધી રહ્યો છે.ત્યારે આ માથાનો ભગા ક્યાં પુરુષનો છે અને અહીંયા કેવી રીતે આવ્યો તે દિશામાં પણ પોલીસે તપાસ તેજ કરી છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
