ભરૂચ,
ભરૂચના લિંકરોડ પર આવેલા માતરિયા તળાવ નજીક ઝૂંપડપટ્ટી વિસ્તાર માંથી એક ઝેરી કોબ્રા સાપનું સફળ રેસ્ક્યુ કરવામાં આવ્યું છે.નેચર પ્રોટેક્શન ચેરીટેબલ ટ્રસ્ટના રમેશ દવેને માહિતી મળી કે માતરિયા તળાવની બાજુમાં આવેલી ઝૂંપડપટ્ટીમાં એક સાપ દેખાયો છે.આ માહિતી મળતાં જ જીવદયા પ્રેમીઓ હિરેન શાહ અને વ્રજ શાહ તાત્કાલિક ઘટના સ્થળે પહોંચ્યા હતા.સ્થળ તપાસ દરમિયાન જાણવા મળ્યું કે આ સાપ અત્યંત ઝેરી કોબ્રા પ્રજાતિનો છે.બંને જીવદયા પ્રેમીઓએ સાવચેતીપૂર્વક રેસ્ક્યુ ઓપરેશન શરૂ કર્યું.કલાકોની મહેનત બાદ ૬ ફૂટ લાંબા કોબ્રાને સુરક્ષિત રીતે પકડવામાં સફળતા મળી.સાપને પકડ્યા બાદ તેને તેના અનુકૂળ પ્રાકૃતિક વાતાવરણમાં મુક્ત કરી દેવામાં આવ્યો.આ રેસ્ક્યુ ઓપરેશનથી ઝૂંપડપટ્ટી વિસ્તારના રહીશોએ રાહતનો શ્વાસ લીધો હતો.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
