– નેશનલ ટ્રેડની બે મોબાઈલ શોપને નિશાન બનાવી ચોરી કરી હોવાનું કબુલતા ચોરીનો ભેદ ઉકેલાયો
– ચોરીમાં ગયેલ સામાન અને એક્ટિવા મળી કુલ ૫૬ હજારથી વધુનો મુદ્દામાલ કબ્જે કર્યો
ભરૂચ,
ભરૂચના મહાત્મા ગાંધી રોડ પર આવેલા નેશનલ ટ્રેડ સેન્ટરની બે મોબાઈલ શોપમાં ચોરી કરનાર યુવકને પોલીસે ઝડપી પાડી તેની પાસેથી ચોરીમાં ગયેલ મુદ્દામાલ અને એક્ટિવા મળી કુલ ૫૫ હજાર ઉપરાંતનો મુદ્દામાલ કબ્જે કરી વધુ તપાસ હાથધરી હતી.
પ્રાપ્ત માહિતી અનુસાર ભરૂચના મહાત્મા ગાંધી રોડ ઉપર આવેલ નેશનલ ટ્રેડમાં બે મોબાઈલ શોપમાં ગત ૨૨ અને ૨૭ માર્ચના રોજ મોબાઈલ શોપમાં ચોરીની ઘટના બની હતી.જેમ ચોરી કરનાર યુવકની સમગ્ર કરતૂત સીસીટીવીમાં કેદ થઈ હતી અને ચોરને ઝડપી પાડવા પોલીસે ડોગ સ્ક્વોર્ડની પણ મદદ મેળવી હતી.જે બાદ પોલીસે શહેરના વિવિધ વિસ્તારોમાં લગાવવામાં આવેલા સીસીટીવી ફૂટેજ ચેક કરતા એક મોપેડ ચાલકની જોવા મળી હતી.પોલીસની ટીમ રાત્રિ પેટ્રોલિંગમાં હતી તે સમયે શંકાસ્પદ મોપેડ ચાલક જોવા મળતાં તેને રોકવામાં આવ્યો હતો.તેની પાસે રહેલી લેપટોપની બેગ તપાસવામાં આવતાં તેમાંથી કટર સહિતનો સામાન મળી આવ્યો હતો.તેનું નામ પાછું તે મનુબરના અહેમદ નગરમાં રહેતાં મોહંમદ ઉર્ફે ઝૈદ તરીકે તેની ઓળખ થઈ હતી.પોલીસે તેની પૂછપરછ કરતાં તેણે બંને ચોરીના ગુનાની કબુલાત કરી હતી.તેની પાસેથી દુકાનના શટરો તોડવાના સામાન સહિત મોબાઈલ અને લેપટોપનો ચોરીમાં થયેલો રૂપિયા ૫૬,,૭૦૦ હજારનો મુદ્દામાલ કબ્જે કરી પોલીસે આરોપીની ધરપકડ કરી તેની વિરુદ્ધ કાયદેસરની કાર્યવાહી હાથધરી છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
