(ફૈજાન ખત્રી,છોટાઉદેપુર)
– સજવાથી પાણીબાર, સાલોજ થી બાંડી, કરજવાંટ થી વંકલા, ટીંબરવાથી જુની રૂંઢીના રસ્તાઓનું રિસરફેસિંગ કરાશે
પાવીજેતપુર વિધાનસભા મત વિસ્તારમાં બે કરોડ ઉપરાંતની રકમના વિકાસના કામોનું ખાતમુહૂર્ત ધારાસભ્યના હસ્તે કરવામાં આવ્યું હતું.
પાવીજેતપુર તાલુકાના સજવાથી પાણીબાર સુધી ૬૭.૭૯ લાખના ખર્ચે રિસરફેસિંગ, સાલોજ થી બાંડી સુધી ૭૬.૭૭ લાખના ખર્ચે રિસરફેસિંગ, નવા ટીંબરવા થી જુની રૂંઢી સુધી ૯૩.૬૨ લાખના ખર્ચે રિસરફેસિંગની કામગીરી કરવામાં આવશે તેનું પાવીજેતપુર વિધાનસભાના ધારાસભ્ય જયંતિ રાઠવાના હસ્તે ખાતમુહૂર્ત કરવામાં આવ્યું હતું. સાથે ભીંડોલ જૂથ ગ્રામ પંચાયતમાં વિવિધ વિકાસના કામોનું ખાતમુહૂર્ત કરવામાં આવ્યું હતું.
આ પ્રસંગે ધારાસભ્ય જયંતિ રાઠવાએ જણાવ્યું હતું કે સરકાર દ્વારા થઈ રહેલા અનેકવિધ વિકાસના કામોનો લ્હાવો લોકોને મળ્યો છે.વધુમાં કોઈ પણ કારણોસર ઊભી થતી સમસ્યા કે પ્રશ્નોનું સંપૂર્ણપણે નિરાકરણ લાવવા માટે ગ્રામજનોને વિશ્વાસ આપ્યો હતો.
આ પ્રસંગે પાવીજેતપુર પાવીજેતપુર તાલુકા પંચાયત સભ્ય અશ્વિન રાઠવા, જિલ્લા બક્ષીપંચ મોરચા પ્રમુખ ભગુ પંચોલી, પાવીજેતપુર તાલુકા સંગઠન મહામંત્રી ચંદ્રસિંહ કોળી, પાવીજેતપુર તાલુકા પંચાયત પૂર્વ ઉપપ્રમુખ ભરત રાઠવા, સજવા જૂથ ગ્રામ પંચાયત સરપંચ કપૂર રાઠવા, ડે.સરપંચ સચિન રાઠવા, ભીંડોલ જૂથ ગ્રામ પંચાયત સરપંચ ધર્મિષ્ઠા રાઠવા, બોડેલી તાલુકા ભાજપા મહામંત્રી પરિમલ પટેલ તેમજ આગેવાનો કાર્યકર્તાઓ તેમજ ભાઈઓ બહેનો મોટી સંખ્યામાં ઉપસ્થિત રહ્યા હતા.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
