– આરોપીને ફાંસીની સજા થાય તે માટે મૃતકના ભાઈએ સીએમ પાસે માંગ કરી
ભરૂચ,
ભરૂચ શહેર અને જીલ્લાને હચમચાવી દેનાર કિસ્સામાં મિત્રને જમવા બોલાવી મોતને ઘાટ ઉતારી તેના શરીરના નવ ટુકડા કરીને ભોલાવ GIDC માં અલગ અલગ સ્થળે નાખી દીધા હતા.જેમાં પોલીસે હત્યારા મિત્રની અટકાયત કર્યા બાદની આજરોજ મૃતકના શરીરના બાકીના અંગો પણ મળી આવ્યા છે.આરોપીને પોલીસે કોર્ટમાં રજુ કરતા કોર્ટે ૮ દિવસના રિમાન્ડ આપ્યા હતા.તો આરોપીને ફાંસીની સજા થાય તે માટે મૃતકના ભાઈએ સીએમ પાસે માંગ કરી હતી.
ભરૂચ શહેરના વેદાંત સોસાયટીમાં રહેતા સચિન ચૌહાણે તેના ખાસ મિત્ર શૈલેન્દ્રસિંગ ચૌહાણની પત્નીના આપત્તિ જનક ફોટા તેના મોબાઈલ માંથી લઈ લીધા હતા.ત્યાર બાદ સચિન તેના મિત્ર શૈલેન્દ્રને અવાર નવાર બ્લેક મેઈલ કરીને હેરાન પરેશાન કરતો હતો.જેથી બંને વચ્ચે અવાર નવાર બોલાચાલી થતી હતી.જોકે ક્રાઈમ પેટ્રોલ જોવાનો શોખીન શૈલેન્દ્રએ સચીન સાથે દોસ્તી ચાલુ જ રાખી હતી.ત્યારે બંનેની પત્ની બહાર ગામ ગઈ હોય શૈલેન્દ્રએ સચીન સાથે પાર્ટી કરવાનો પ્લાન બનાવી તેને પોતાના ઘરે બોલાવી જમીને બંને સૂઈ ગયા હતા.તે સમયે શૈલેન્દ્ર જાગી જતા સચિનનો મોબાઈલ લઈને તેની પત્નીના ફોટો ડિલીટ કરવાની કોશિશ કરતો હતો.ત્યારે સચિન જાગી જતાં મારો મોબાઈલ કેમ અડકે છે તેમ કહી બંને વચ્ચે ઝઘડો થયો હતો.આ સમયે ઉશ્કેરાયેલા શૈલેન્દ્રએ ચાકુ વડે સચિનના ગાળાના ભાગે હુમલો કરીને મોતને ઘાટ ઉતારી દીધો હતો.જોકે તેના મૃતદેહને કઈ રીતે રફેદફે કરવો તે વિચારી બજાર માંથી આરી લાવીને તેના શરીરના નવ ટુકડાઓ કરીને પ્લાસ્ટીકની થેલીઓમાં ભરીને ભોલાવ GIDC માં આવેલી અલગ અલગ ગટરોમાં ફેંકી દીધા હતા.તેમાંથી પાંચ માનવ અંગો સામજીક કાર્યકર ધર્મેશ સોલંકીની મદદથી પોલીસે શોધી કાઢ્યા હતા.જ્યારે પગ અને પંજાના ભાગ બાકી હોય જે ગુરૂવારના રોજ સેઝ – ૧ માંથી મળી આવ્યા હતા.તેને બહાર કાઢી પોસ્ટમોર્ટમ અર્થે મોકલી આપ્યા હતા.હવે પોલીસે સતત મહેનત બાદ મૃતક સચિન ચૌહાણના મૃતદેહના તમામ અંગો શોધી કાઢી આરોપીના રિમાન્ડ મેળવા પોલીસે કોર્ટમાં રજૂ કરી ૧૫ દિવસના રિમાન્ડની માંગ કરતા કોર્ટે ૮ દિવાના રિમાન્ડ આપ્યા હતા.
મૃતક સચિન અને આરોપી શૈલેન્દ્ર બંને છેલ્લા ૧૫ વર્ષથી મિત્ર હતા તેમ છતાં તેને સચિનની હત્યા આરોપીને ફાંસીની સજા થાય તે માટે મૃતકના ભાઈ મોહિતે સીએમ પાસે માંગ કરી છે.
અત્રે ઉલ્લેખનીય છે કે મૃતકના તમામ અંગો મળી આવ્યા છે.ત્યારે હવે તેના અંતિમ સંસ્કાર કરી શકાશે પરંતુ હજુ પણ મૃતકનો મોબાઈલ સહિત આરોપી અને મૃતકના લોહી વાળા કપડા અને અંગોના ટુકડા કર્યા તે લોખંડની કરવત હજુ પણ પોલીસ શોધી રહી છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
