– ફોર્મ ભરવાની ૫ એપ્રિલ અંતિમ તારીખ,૭ એપ્રિલ ચકાસણી અને ૨૦ એપ્રિલના રોજ યોજાશે ચૂંટણી
ભરૂચ,
પાનોલી ઈન્ડસ્ટ્રીઝ એસોસિએશનના ૯ સભ્યોની ચૂંટણી જાહેર થતાં જ એસ્ટેટમાં વાતાવરણ ગરમાયુ છે.ફોર્મ ભરવાની અંતિમ તારીખ ૫ એપ્રિલ છે.જ્યારે ચૂંટણી ૨૨ એપ્રિલના રોજ યોજાશે.૭ એપ્રિલના રોજ ચૂંટણી ચિત્ર સ્પષ્ટ થશે.હાલ ફોર્મ ઉપાડ સાથે ઉમેદવારી નોંધાવવાની કવાયત શરૂ કરવામાં આવી છે.પાનોલી ઔદ્યોગિક વસાહતમાં ૫૦૦ જેટલા ઉદ્યોગ પ્રતિનિધિત્વ કરતા પાનોલી ઉદ્યોગ મંડળના વ્યવસ્થાપક કમિટીની ચૂંટણી આગામી ૨૨ એપ્રિલ ૨૦૨૫ ના રોજ ૯ સભ્યો માટે યોજાનાર છે.છેલ્લા ૨૦ વર્ષથી બિનહરીફ ચૂંટણી થાય છે.વચ્ચે એક વર્ષ એક ઉમેદવાર ઉભો રહેતા ચૂંટણી થઈ હતી.આ વર્ષની ચૂંટણી ૬ જનરલ કેટેગરી અને ૩ રિઝર્વ કેટેગરી માટે યોજાનાર છે.જે માટે ફોર્મ ભરવાની શરૂઆત કરાઈ છે.૫ એપ્રિલના રોજ ફોર્મ ભરવાની અંતિમ તારીખ છે.જયારે ૭ એપ્રિલના રોજ ફોર્મ ચકાસણી અને ઉમેદવારી પત્ર
પરત ખેંચ્યા બાદ ચૂંટણી ચિત્ર સ્પષ્ટ થશે.છેલ્લા ૨૦ વર્ષ ઉપરાંતથી પાનોલી ઉદ્યોગ મંડળમાં ચૂંટણી બિનહરીફ રહી છે અને ત્યારે ચાલુ વર્ષે પણ ચૂંટણીમાં બિન હરીફ સભ્યો ચૂંટાઈ આવે કે પછી સામે પક્ષે કોઈ પેનલ ઉભી થશે કે કેમ તે ચર્ચાનો વિષય બન્યો છે.ગયા વર્ષે પેનલ ઉભી કરવાનો પ્રયાસ કરાયો હતો પરંતુ કેટલાક સભ્યોના ફોર્મ રદ્દ થતા સમાધાનના ભાગરૂપે બિનહરીફ ચૂંટાયા હતા.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
