– ભરૂચ જીલ્લા પ્રમુખ પ્રકાશ મોદીએ ખેસ પહેરી ૧૫૦ લોકોને આવકાર્યા
– ૨૮ વર્ષોથી સેવા કરતો આવ્યો છું, પ્રવિણ તોગડિયા સાથે પણ સેવાના કાર્યો કર્યા છે અને હવે ભાજપમાં પણ કરતો રહીશ : સેજલ દેસાઈ
ભરૂચ,
ભારતીય જનતા પાર્ટીના સ્થાપના દિવસ અને રામનવમી નિમિત્તે ભરૂચ જીલ્લા પ્રમુખની અધ્યક્ષતામાં પ્રવિણ તોગડીયા સાથે કામ કરી ચૂકેલા અને સામાજિક કાર્યકર તેમજ આરટીઆઈ એક્ટિવિસ્ટ સેજલ દેસાઈ ૧૫૦ જેટલા લોકો સાથે ભારતીય જનતા પાર્ટીના વિચારોથી પ્રેરાઈને ભાજપનો ખેસ પહેરી જોડાયા હતા.
ભરૂચ કસક સ્થિત જીલ્લા ભાજપ કાર્યાલય ખાતે ભારતીય જનતા પાર્ટીના સ્થાપના દિવસ નિમિત્તે ઉજવણી કાર્યક્રમનું આયોજન કરવામાં આવ્યું હતું.આ કાર્યક્રમમાં જિલ્લા ભાજપના પ્રમુખ પ્રકાશ મોદીની સાથે સ્થાનિક આગેવાનો, કાર્યકરો તથા મોટી સંખ્યામાં પાર્ટી સમર્થકો ઉપસ્થિત રહ્યા હતા.આ કાર્યક્રમ દરમ્યાન ભારતીય જનતા પાર્ટીના સાદગીભર્યા, દેશભક્તિપૂર્ણ અને રાષ્ટ્રપ્રથમના સિદ્ધાંતોથી પ્રભાવિત થઈ અંદાજે ૧૫૦ જેટલા લોકોએ VHP અને AHP સાથે સંકળાયેલા, સામાજીક કાર્યકર અને આરટીઆઈ એક્ટિવિસ્ટ એવા સેજલ દેસાઈની આગેવાનીમાં પાર્ટીનો ખેસ ધારણ કરીને ભાજપમાં સત્તાવાર રીતે પ્રવેશ કર્યો હતો.નવા જોડાયેલા સભ્યોમાં યુવાનો તેમજ વિવિધ સમાજોના લોકો જોડાયા હતા.નવા લોકો જોડાવાથી પાર્ટીના સ્થાનિક સંગઠનમાં નવો ઉત્સાહ અને શક્તિ ભરી દીધો છે.
આ પ્રસંગે સેજલ દેસાઈએ જણાવ્યું હતું કે ૨૮ વર્ષથી તેઓ સામાજિક સેવા કરી રહ્યા છે પ્રવિણ તોગડિયા સાથે પણ તેઓએ સામાજિક સેવા કરી છે અને હવે ભાજપમાં પણ જોડાયા બાદ તેઓની આ સેવા ચાલુ રહેશે.
આ પ્રસંગે જિલ્લા પ્રમુખ પ્રકાશ મોદીએ પાર્ટીના સ્થાપના દિવસની મહત્તા સમજાવતા કહ્યું કે,”ભાજપ માત્ર રાજકીય પક્ષ નથી, પણ દેશની વિકાસયાત્રામાં સહભાગી બનાવતો એક સંસ્કાર છે. આપણા દરેક કાર્યકરે રાષ્ટ્રની સેવા માટે કટિબદ્ધ થવું જોઈએ.” તેઓએ નવા જોડાયેલા સભ્યોને શુભેચ્છા પાઠવી હતી અને પાર્ટીના સિદ્ધાંતો પર અડગ રહીને કામ કરવાની અપીલ કરી હતી.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
