– ભરૂચ લોકલ ક્રાઈમ બ્રાન્ચની ટીમે રૂપિયા ૨.૯૩ લાખના દારૂના જથ્થા સાથે એક ઈસમને ઝડપી લઈ અન્ય બેને વોન્ટેડ જાહેર કર્યા
(જ્યશીલ પટેલ,ઝઘડીયા)
ભરૂચ લોકલ ક્રાઈમ બ્રાન્ચની ટીમે ઝઘડિયા તાલુકાના ખરચી ગામ નજીક ઈકો ફોર વ્હિલર ગાડીમાં લઈ જવાતા ભારતીય બનાવટના વિદેશી દારૂના જથ્થા સાથે એક ઈસમને ઝડપી લઈને અન્ય બેને વોન્ટેડ જાહેર કર્યા હતા.
મળતી વિગતો મુજબ ભરૂચ લોકલ ક્રાઈમ બ્રાન્ચની ટીમને ઝઘડિયા વિસ્તારમાં પેટ્રોલિંગ દરમ્યાન બાતમી મળેલ કે વાલિયા તાલુકાના લુણા ગામનો જગદીશ ઉર્ફે જગો રવિયા વસાવા તેની ઈકો ફોર વ્હિલર ગાડીમાં ઈંગ્લિશ દારૂ ભરીને વાલિયાથી સરદારપુરા થઈને ખરચી ગામે જનાર છે.ક્રાઈમ બ્રાન્ચની ટીમને મળેલ બાતમીના આધારે ખરચી નજીક મંદિર પાસે વોચ ગોઠવી હતી.ત્યાર બાદ બાતમી મુજબની ઈકો ગાડી આવતા તેને રોકીને તપાસ કરતા તેમાંથી પુઠ્ઠાના બોક્ષમાં ભરેલ ભારતીય બનાવટના વિદેશી દારૂની અલગ અલગ બોટલો નંગ ૪૩૨ મળી આવી હતી.એલસીબીની ટીમે રૂપિયા ૪૩,૨૦૦ નો દારૂનો જથ્થો તેમજ આ ગુનામાં વપરાયેલ ઈકો ફોર વ્હિલર ગાડી કિંમત રૂપિયા ૨,૫૦,૦૦૦ મળી કુલ રૂપિયા ૨,૯૩,૨૦૦ નો મુદ્દામાલ કબ્જે લઈને ઈકો ગાડી સાથે હાજર મળેલ ઈસમ જગદીશ ઉર્ફે જગો રવિયા વસાવા રહે.ગામ લુણા તા.વાલિયા જી.ભરૂચ તેમજ દારૂનો આ જથ્થો મંગાવનાર રણછોડ મહેન્દ્ર વસાવા રહે.ગામ ખરચી તા.ઝઘડિયા તથા મહેન્દ્ર વસાવા રહે.ગામ ખરચી તા.ઝઘડિયાના વિરૂધ્ધ ઝઘડિયા પોલીસ મથકમાં ગુનો નોંધાવી કાયદેસર કાર્યવાહી હાથધરી હતી.
ઝઘડિયા નજીક વિદેશી દારૂ ઝડપાવાની આ ઘટનાને પગલે તાલુકામાં વિદેશી દારૂના ધંધા સાથે સંકળાયેલા બુટલેગરોમાં ફફડાટ ફેલાયો હતો.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
