– અંદાજીત ૪૦ લાખથી વધુના ખર્ચે જેસીબી અને ફોકલેન મશીનથી એક મહિના સુધી ચાલશે કાંસની સફાઈ
ભરૂચ,
ચોમાસાની ઋતુમાં વરસાદી પાણી ભરાવાની સ્થિતિ ઉભી થતી હોય છે અને દર વર્ષે ઉનાળામાં એટલે કે ચોમાસા પૂર્વે ભરૂચ નગરપાલિકા દ્વારા લાખો રૂપિયાના ખર્ચે કાંસની સફાઈ કરવામાં આવે છે.જેને લઈને તાજેતરમાં જ નગરપાલિકા દ્વારા પ્રિમોન્સુન કામગીરી અંતગર્ત ભરૂચની હદમાં રહેલી ૨૭ કાંસોની સફાઈ શરૂ કરવામાં આવી છે.જે એક મહિના સુધી ચાલનાર છે.
ભરૂચ નગરપાલિકાની હદ વિસ્તારમાં આવેલા આલીમાતરીયા,ધોબીતળાવ,નીલકંઠ નગર,સોન તલાવડી,મકતમપુર,દાંડિયા બજાર,ચાર રસ્તા, ફાટાતળાવ, ડભોઈયાવાડ સહિતના ભરૂચ પાલિકાના વિવિધ વિસ્તારોમાં આવેલી ૨૭ કાંસોની સફાઈ માટે ભરૂચ નગરપાલિકા દ્વારા પ્રિમોન્સુન કામગીરીની શરૂઆત અંદાજીત ૪૦ લાખથી વધુના ખર્ચે કાંસની સફાઈનો પ્રારંભ કરવામાં આવ્યો છે.
ભરૂચ પાલિકાના ચીફ ઓફિસર હરીશ અગ્રવાલે જણાવ્યું હતું કે વરસાદી પાણીના નિકાલ માટે પાલિકા હદ વિસ્તારમાં નાની મોટી ખુલ્લી ૨૭ જેટલી કાંસો આવેલી છે.જેની પ્રિમોન્સુન કામગીરી અતંગર્ત સફાઈ હાથધરવામાં આવી છે.જેમાં કાંસમાં ઉગી નીકળેલા ઝાડી ઝાંખડા ને જેસીબી અને ફોકલેન મશીનથી દૂર કરવામાં આવી રહ્યા છે અને મોટા ડમ્પર મારફતે તેનું ડીસિન્ટિંગની કામગીરી કરવામાં આવી રહી છે.જે કામગીરી આગામી એક મહિના સુધી ચાલનાર છે.
ભરૂચના કેટલાક વિસ્તારોમાં સામાન્ય વરસાદમાં પણ જળબંબાકારની સ્થિતિનું નિર્માણ થાય છે.ત્યારે આ કાંસ સફાઈ ની પ્રિમોન્સુન કામગીરી સારી રીતે કરવામાં આવે તે આવશ્યક છે નહી તો તે પાછળ થનાર લાખો રૂપિયાનો ખર્ચ વરસાદી પાણીમાં વહી જશે.જો કે કામગીરી કેવી થઈ છે તે તો ચોમાસામાં વરસાદના આગમન બાદ જ જાણી શકાશે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
