– ભુપેન્દ્ર વસાવા નામના યુવકને શૈલેષ પટેલ નામના ઈસમે ડુંગળી ચોરી કરી હોવાના આક્ષેપ કરી તેના ઘરેથી તેને ઉપાડી જઈ ઢોર માર મારી ઘરે પરત મૂકી ગયા
– શૈલેષ પટેલ સામે ભુપેન્દ્ર વસાવાના પરિવારજનોની ફરિયાદ લેવા જવાબદાર પોલીસના ઠાગાઠૈયા
(જ્યશીલ પટેલ,ઝઘડીયા)
ઝઘડિયા તાલુકામાં કાયદો અને વ્યવસ્થાની અમલવારી કેટલાક કિસ્સાઓમાં નહિવત જોવા મળી છે! કેટલાક માથાભારે ઈસમો દ્વારા કાયદો હાથમાં લઈ પોતે જ ન્યાયાધીશ બની અંગ્રેજોની હુકુમત જેવી સજાઓ ગરીબ આદિવાસી તેમજ કચડાયેલા વર્ગ સામે કરી રહ્યા હોવાના અસંખ્ય દાખલાઓ છે.
આવી જ એક કાયદો હાથમાં લઈને તેનો ભંગ કરનારી ઘટના ઝઘડિયા તાલુકાના ધારોલી ગામ ખાતે બની છે.ધારોલી ગામે રહેતો ભુપેન્દ્ર વસાવા તેના ઘરે હતો ત્યારે ધારોલી ગામનો શૈલેષ જશુ પટેલ નામનો ઈસમ ભુપેન્દ્ર વસાવાના ઘરે આવી તેના પર તે મારી ડુંગળી ચોરી કરી છે.તેવો આક્ષેપ કરી તેને પોતાની ગાડીમાં ઉપાડી ગયો હતો.ભુપેન્દ્ર વસાવાને ઢોર માર મારી તેને ઈજાગ્રસ્ત કર્યો હતો.આટલેથી વાત નહીં અટકતા શૈલેષ પટેલ દ્વારા તેને માર મારી તેની ગાડીમાં ફરી ભુપેન્દ્ર ને તેના ઘરે છોડી ગયા હતા.ભુપેન્દ્રના પરિવારજનો દ્વારા તેને સારવાર અર્થે વાલીયાની સરકારી હોસ્પિટલ ખાતે ખસેડવામાં આવ્યો હતો.ભુપેન્દ્રના પરિવારના જણાવ્યા પ્રમાણે તેઓએ ૧૦૮ દ્વારા ભુપેન્દ્રને સરકારી હોસ્પિટલમાં ખસેડ્યો હતો અને પોલીસ ફરિયાદ માટે તેઓએ જણાવ્યું હતું.તેમ છતાં ભુપેન્દ્ર વસાવાના પરિવારની કોઈ ફરિયાદ આ લખાય છે ત્યાં સુધી જવાબદાર પોલીસ દ્વારા લેવાય નથી! ત્યારે ઝઘડિયા તાલુકાના ઝઘડિયા જીઆઈડીસી,ઝઘડિયા,રાજપારડી અને ઉમલ્લા પોલીસના જવાબદાર પોલીસ અધિકારીઓ શૈલેષ પટેલ જેવા કાયદો હાથમાં લેનારા સામે ફરિયાદ લેતા કેમ અચકાય છે તે પ્રશ્ન છે.સ્થાનિકોમાં ચર્ચા મુજબ સામાન્ય ડુંગળી ચોરી કરવાની અંગ્રેજી હકુમત જેવી સજા આપનારને અને કાયદો હાથમાં લેનારને કયારે સજા થશે તેવી ચર્ચાનું કેન્દ્ર બન્યું છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
