– રાજપીપળા ટાઉન પોલીસની ટીમ દ્વારા બે ઝોલા છાપ પત્રકારોને સાથે રાખી આખી ઘટનાનું રી કન્સ્ટ્રકશન કર્યું
(જ્યોતિ જગતાપ,રાજપીપલા)
નર્મદા જિલ્લામાં બોગસ પત્રકારો ફૂટી નીકળ્યા છે. આવા લે ભાગું કહેવાતા પત્રકારો પોતાના અંગત સ્વાર્થ માટે પત્રકારનું નામ આગળ ધરીને બ્લેક મેઈલિંગકરીને પોતાનો અંગત સ્વાર્થ સાધતા રહ્યાં છે. નર્મદા જિલ્લામાં આવા ઘણા અધિકારીઓ આવા બોગસ પત્રકારોનો ભોગ બન્યા છે.ત્યારે નર્મદામાં વધુ એક બોગસ પત્રકારોના બ્લેક મેઈલિંગનો કિસ્સો સામે આવ્યો છે.
નાંદોદ તાલુકાના ભદામ ગામે નિલકંઠ દવાખાનામા પ્રેક્ટિસ કરતા ડો.વિષ્ણુકાંત કંસારાના ક્લિનિકમાં કમ્પાઉન્ડર તરીકે કામ કરતા જયેશ શિવલાલ પટેલ પાસેથી બે ઝોલા છાપ પત્રકારોએ સ્ટિંગ ઓપરેશન કરી ૨.૩૦ લાખ રૂપિયા પડાવી લીધા હતા.વધુ રૂપિયાની માંગણી કરી ધમકીઓ આપતા જયેશ શિવલાલ પટેલે બંને પત્રકારો વિરુદ્ધ રાજપીપળા પોલીસ મથકમાં ફરિયાદ નોંધાવી હતી.બાદ
રાજપીપળા પોલીસે સીસીટીવી ફૂટેજને આધારે એમને ઝડપી પાડવા ચક્રો ગતિમાન કર્યા હતા.આ ફરિયાદના ગણતરીના કલાકોમાં જ રાજપીપળા ટાઉન
પીઆઈ વી.કે.ગઢવી, ડી સ્ટાફના પંકજ ગઢવી, સુરેન્દ્ર વસાવા, અંકિત માળીએ ડભોઈ હાઈવે પરથી ઝોલા છાપ પત્રકારો અબુ મુલ્લા તથા ખાલીદ શેખને ઝડપી પાડ્યા હતા.રાજપીપળા ટાઉન પોલીસની ટીમ દ્વારા બે ઝોલા છાપ પત્રકારોને સાથે રાખી આખી ઘટનાનું રી કન્સ્ટ્રકશન કર્યું હતું.જે બાદ મોડી સાંજે એમને રિમાન્ડની માંગણી સાથે કોર્ટમાં રજુ કર્યા હતા. અત્રે એ ઉલ્લેખનીય છે કે જ્યારે આ ઘટના બની એ વખતે આ બે ઝોલા છાપ પત્રકારો જયેશ પટેલ પાસે વધારાના ૨ લાખ રૂપિયા લેવા આવ્યા એ દરમ્યાન રાજપીપળા ટાઉન પીઆઈ વી.કે.ગઢવી સહિતની ટીમોએ એમને પકડવા પીછો કર્યો હતો પણ તેઓ ગાડી રસ્તા વચ્ચે મુકી ફરાર થઈ ગયા હતા.જો કે બીજે દિવસે જ બાતમીના આધારે પોલીસે એમને સેગવા અને ડભોઈ વચ્ચેથી ઝડપી પાડ્યા હતા.હવે રિમાન્ડ મંજુર થશે ત્યારે આ ગુનામાં અન્ય કોણ સામેલ છે,અગાઉ એમણે આવા કેટલા ગુના કર્યા છે સહિત અન્ય બાબતો સામે આવશે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
