– આંજોલીના બે યુવકો નેત્રંગ ત્રણ રસ્તા નજીક મોટરસાયકલો મુકીને કંપનીની બસમાં ઝઘડિયા જીઆઈડીસી ખાતે નોકરીએ ગયા હતા
(વિજય વસાવા,નેત્રંગ)
ભરૂચ જીલ્લાના નેત્રંગ ખાતેના રાજપારડી રોડ પરના ત્રણ રસ્તા નજીક પાર્ક કરીને મુકેલ બે મોટરસાયકલોની રાત્રી દરમ્યાન ચોરી થઈ હોવાની ઘટના બનવા પામી હતી.
આ અંગે નેત્રંગ પોલીસ મથક માંથી મળતી વિગતો મુજબ નેત્રંગ તાલુકાના આંજોલી ગામના સુનિલ છત્રસિંગ વસાવા અને દેવાભાઈ દિલુભાઈ વસાવા બન્ને યુવકો ગત તા.૮ મીના રોજ ઘરેથી મોટર સાયકલો લઈને ઝઘડિયા જીઆઈડીસીમાં નોકરીએ જવા નેત્રંગ ત્રણ રસ્તા પર આવ્યા હતા અને દરરોજની જેમ તેમની મોટર સાયકલો ત્રણ રસ્તા નજીકના સ્થળે મુકીને કંપનીની બસમાં બેસીને ઝઘડિયા જીઆઇડીસીમાં નોકરીએ ગયા હતા.બીજા દિવસે સવારે બન્ને યુવકો નોકરીએથી છુટીને કંપનીની બસમાં બેસીને સવારના આઠ વાગ્યાના સમયે નેત્રંગ આવ્યા હતા.ત્યાર બાદ તેઓ જ્યાં મોટર સાયકલો પાર્ક કરીને મુકી હતી ત્યાં જતા તે સ્થળે મોટર સાયકલો જોવામાં આવી ન હતી.સ્થળ ઉપર મોટર સાયકલો નહિ જણાતા આસપાસમાં શોધવા છતાં તેની કોઈ ભાળ મળી ન હતી.ત્યાર બાદ નેત્રંગ સહિત આજુબાજુના ગામોએ મોટર સાયકલોની તપાસ કરવા છતાં કોઈ ભાળ મળી નહતી તેથી બન્ને મોટર સાયકલો કોઈ અજાણ્યા ચોર તા.૮ મીની રાત્રી દરમ્યાન ચોરી કરીને લઈ ગયા હોવાની ખાતરી થઈ હતી.મોટર સાયકલ ચોરીની આ ઘટના સંદર્ભે સુનિલ છત્રસિંગભાઈ વસાવા રહે.ગામ આંજોલી ત.નેત્રંગ જી.ભરૂચનાએ નેત્રંગ પોલીસમાં ફરિયાદ લખાવતા પોલીસે ગુનો નોંધી કાયદેસર તપાસ હાથધરી હતી.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
