– કાંટોલ,રૂન્ઢ,અણધરા અને પિપલપાન મળી ચાર ગ્રામ પંચાયતોની સામાન્ય ચૂંટણીઓ યોજાશે
– સામાન્ય ચૂંટણી તથા પેટા ચૂંટણી મળી ઝઘડિયા તાલુકામાં ગ્રામ પંચાયતોની કુલ બત્રીસ વોર્ડ બેઠકો માટે ચૂંટણી યોજાશે
– તાલુકાની ૧૩ ગ્રામ પંચાયતોની વોર્ડની ચૂંટણીમાં અનુસૂચિત જાતિના લોકોની વસ્તીના હોય તમામ ગ્રામ પંચાયતોમાં ફોર્મ ભરાયા નથી
(જ્યશીલ પટેલ,ઝઘડીયા)
ઝઘડિયા તાલુકામાં ગ્રામ પંચાયતની સામાન્ય ચૂંટણી તથા પેટા ચૂંટણી આગામી દિવસોમાં આવી રહી છે જેમાં કુલ ૬ ગ્રામ પંચાયતમાં સામાન્ય ચૂંટણી તથા ત્રેવીસ જેટલી ગ્રામ પંચાયતોમાં વોર્ડની પેટા ચૂંટણી યોજવાની હતી.છ ગ્રામ પંચાયતોની સામાન્ય ચૂંટણી પૈકી વલી અને ડભાલ ગ્રામ પંચાયત સમરસ બની છે.જ્યારે રૂન્ઢ ગ્રામ પંચાયત માં એક વોર્ડ બિનહરીફ થયો છે અને અણધરા ગ્રામ પંચાયતના ત્રણ વોર્ડ બિનહરીફ થયા છે.આ ઉપરાંત સરકારી ફિચવાડા, નાનાસાંજા,લીંમોદરા અવિધા, મોટા વાસણા, ઈન્દોર ગામની પેટા ચૂંટણી માં તમામ વોર્ડો બિનહરીફ જાહેર થયા છે.જ્યારે અછાલીયા ગ્રામ પંચાયતના એક વોર્ડનું ફોર્મ જે ભરાયું હતું તે રિજેક્ટ થયું છે.સુલતાનપુરા તલોદરા, ઉમધરા ખરચી ગ્રામ પંચાયતના બે વોર્ડ મળી કુલ પાંચ વોર્ડ ની ચૂંટણી યોજાશે.
અત્રે ઉલ્લેખની એ છે કે ઝઘડિયા તાલુકાની આમલઝર, પોરા, ફૂલવાડી,વલા,તરસાલી, કપાટ, આમોદ, જરસાડ, કરાડ, કાકલપુર, ઉચેડિયા, પડવાણીયા અને વાસણા ગ્રુપ ગ્રામ પંચાયતમાં એક એક વોર્ડની ચૂંટણી હતી.તે વોર્ડની બેઠક અનુસૂચિત જાતિ માટે અનામત રાખવામાં આવેલી હતી, પરંતુ આ તેર ગ્રામ પંચાયતોમાં અનુસૂચિત જાતિના લોકોની વસ્તી નહીં હોય તેર બેઠકો પર ફોર્મ ભરાયા નથી જે વિચાર માંગી લે તેઓ વહીવટ જણાય આવે છે કે જ્યાં જે તે લોકોની વસ્તી જ નથી તેમ છતાં તે લોકો માટે બેઠક અનામત કરવામાં આવી અને વસ્તી ના હોવાના કારણે ત્યાં કોઈ ઉમેદવાર ઉમેદવારી કરી શક્યો નથી.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
