– નગરના લાલમંટોડી વિસ્તારમાં વિજળી પડતા યુવતીનો ચમત્કારી બચાવ,જ્યારે ફોકડી ગામમાં એક ગાયનો ભોગ લીધો
– ૬૬ કે.વી સબસ્ટેશનમાં વિજળી પડતા વિજ પુરવઠો ખોરવાયો, ઢેબાર ગામે બે ઝાડ પર વિજળી પડી
– આટખોલ,કાંટીપાડ,કોચબાર અને કામલીયા ગામમાં ધરોના પતરા-નળીયા ઉડી ગયા.
વાલીઆ ના પેટીયા ગામે આકાશી વિજળી પડતા બે બળદોના મોત
(વિજય વસાવા,નેત્રંગ)
નેત્રંગ પંથક તા.૧૪ રોજ સાંજના સમયે ભારે વાવાઝોડ અને વિજળી કડાકાભડકા સાથે મેધરાજાએ પધરામણી કરી હતી.માત્ર બે કલાકના સમય ગાળામાં ૨૮ એમ.એમ.(૧ ઈંચ) જેટલો વરસાદ વરસ્યો હતો.જેની સાથે વાવાઝોડ અને વિજળીએ પંથકમાં તબાહી મચાવી દીધી હતી. નેત્રંગ નગરના લાલમંટોડી વિસ્તારમાં આ સમયે ઘરના વાડામાં બેસી કપડા ઘોઈ રહેલી ઉમિકાબેન ગણપતભાઈ વસાવા ઉ.વ.૧૫ કે નજીકમાં આવેલ આમલીના ઝાડ પર વિજળી પડતા તેને ઝપટમાં લેતા તેના માથાના વાળ થોડા સળગી ગયા હતા અને ગાળાના ભાગે વિજળી ઝાટકો લાગતા તેને તાત્કાલિક રેફરલ હોસ્પિટલ ખાતે સારવાર માટે લઈ જવામાં આવી હતી જેનો ચમત્કારીક બચાવ થયો છે.જ્યારે ફોકડી ગામે રમિલાબેન ચંદ્રસીગભાઈ વસાવાના ઘર આંગણે બાંધેલ ગાય પર આકાશી વિજળી પડતા તેનુ મોત નિપજયુ હતુ.નેત્રંગ-રાજપારડી રોડ પર આવેલ ૬૬ કે.વી.સબસ્ટેશન વિસ્તારમાં પણ આકાશી વિજળી પડતા વિજ પુરવઠો ખોરવાયો હતો.જ્યારે ઢેબાર ગામે એક વુક્ષ પર પણ આકાશી વિજળી પડી હતી,વાવાઝોડ ને લઇ ને તાલુકાના આટખોલ ગામે ૧૧ જેટલા મકાનો તેમજ કાંટીપાડ ગામે ૨ મકાનોના, કોચબાર ગામે ૨ મકાનોના અને કવચીયા ગામે એક મકાનના પતરા તેમજ નળીયા ઉડી ગયા ના અહેવાલ નેત્રંગ મામલતદાર કચેરી તેમજ ટીડીઓ કચેરી માંથી પ્રાપ્ત થયા છે.મકાનોને થયેલ નુકશાનની બાબતે મામલતદાર રીતેશ કોકણી તેમજ ઈન્ચાર્જ ટીડીઓ સોહેલ પટેલ થકી સરકારમાં રીપોર્ટ કરવામાં આવેલ છે.
જ્યારે વાલીઆ તાલુકાના પેટીયા ગામે ખેડૂત ચૌધરી નિલેશભાઈ ગુમાનભાઈના બે બળદ પર આકાશી વિજળી પડતા મોત થયા હતા.પશુઓ ના મોતના સમાચાર મળતા પશુ ચિકિત્સક ડૉ.પ્રશાંત વસાવાએ બંન્ને સ્થળે જઈ પીએમ કરી સરકારમાં રીપોર્ટ કરેલ છે.આજે પણ પંથક ભરમાં ભારે બફારા અને ઉકળાટથી લોકો હેરાનપરેશાન છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
