દહેજના જોલવા ગામમાં મહિલાના ઘર માંથી ૨૫ હજારની લૂંટ કરનાર બે ઝડપાયા

– CCTVની મદદથી પોલીસે આરોપીઓને દબોચ્યા

ભરૂચ,

દહેજ પોલીસે ઈન્ટરનેટ કેબલ નાખવાના બહાને લૂંટ કરનાર બે આરોપીઓની ધરપકડ કરી છે.આ ઘટના સેફ્રોન સિટીના ટાઈગર પ્લાઝા રેસીડન્સીમાં બની હતી.ત્રણ દિવસ પહેલા બે અજાણ્યા શખ્સો ફરિયાદીના ઘરે પહોંચ્યા હતા.તેઓએ ઈન્ટરનેટનો કેબલ નાખવાનું કહીને ઘરમાં પ્રવેશ કર્યો હતો. ફરિયાદી મહિલા તેના ૭ માસના બાળક સાથે ઘરે હતી.આરોપીઓએ ઘર માંથી ૨૫ હજાર રૂપિયાની માલમત્તાની લૂંટ ચલાવી હતી.

દહેજ પોલીસે પીઆઈ એચ.બી.ઝાલાના માર્ગદર્શન હેઠળ તપાસ શરૂ કરી.પોલીસે ૧૦૦ થી વધુ CCTV ફૂટેજની તપાસ કરી ટેક્નિકલ સર્વેલન્સની મદદથી બે આરોપીઓને પકડી પાડ્યા છે.પકડાયેલા આરોપીઓમાં ફૈયાઝ અબ્દુલ ઐયુબ અબ્દુલ (રહે.મહમદપુરા,પીર કાઠી રોડ,ભરૂચ) અને મહમદ ફૈયાઝ મહમદ હનીફ શેખ (રહે.ફુરજા રોડ,ભરૂચ) નો સમાવેશ થાય છે.પોલીસે આરોપીઓ પાસેથી ૫૦ હજાર રૂપિયાનો મુદ્દામાલ કબ્જે કર્યો છે.હાલ પોલીસે આ મામલે વધુ તપાસ હાથધરી હતી.

Author: BNI News

Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is