ભરૂચ,
જંબુસર તાલુકાના વેડચ ગામમાં પંચાયતની બેદરકારીને કારણે એક યુવકને અકસ્માતનો ભોગ બનવું પડ્યું છે.ગામમાં પીવાના પાણીની સમસ્યાના નિરાકરણ માટે પંચાયત દ્વારા અનેક સ્થળોએ ખાડા ખોદવામાં આવ્યા હતા.પરંતુ આ ખાડાઓ પાસે કોઈ ચેતવણી ચિન્હો કે આડસ મૂકવામાં આવી ન હતી.
ગઈકાલે રાત્રે વિપુલ જશુભાઈ નામનો યુવક પોતાની મોટરસાઈકલ પર નવયુગ વિદ્યાલય નજીકથી પસાર થઈ રહ્યો હતો.તે દરમ્યાન તે 10 ફૂટ ઊંડા ખાડામાં બાઈક સાથે પડી ગયો હતો. સ્થાનિક લોકોએ તાત્કાલિક મદદે દોડી આવી વિપુલને બહાર કાઢ્યો હતો.અકસ્માતમાં વિપુલને શરીરે નાની-મોટી ઈજાઓ થઈ છે અને તેને સારવાર હેઠળ ખસેડવામાં આવ્યો છે.
બાઈક ચાલક વિપુલે જણાવ્યું કે જો પંચાયત દ્વારા ખાડા પાસે રિબન કે આડસ મૂકવામાં આવી હોત તો આ અકસ્માત ટાળી શકાયો હોત. સ્થાનિક રહીશોએ પંચાયત પાસે તાત્કાલિક યોગ્ય સુરક્ષા વ્યવસ્થા ગોઠવવાની માંગ કરી છે. ઉલ્લેખનીય છે કે ગામમાં છેલ્લા 10 દિવસથી પીવાના પાણીની સમસ્યા સર્જાઈ છે, જેના નિરાકરણ માટે પંચાયત દ્વારા આ કામગીરી હાથ ધરવામાં આવી છે.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
