– કાટોલ,રૂઢ,અણધરા,પીપલપાન પંચાયતની સામાન્ય ચૂંટણી યોજાઈ તથા અન્ય પંચાયતોના વોર્ડની પેટા ચૂંટણી યોજાઈ
(જ્યશીલ પટેલ,ઝઘડીયા)
ઝઘડિયા તાલુકામાં ગ્રામ પંચાયત ની સામાન્ય ચૂંટણી તથા પેટા ચૂંટણીઓ યોજાઈ જેમાં આજરોજ શાંતિપૂર્ણ રીતે મતદાન સંપન્ન થયુ હતુ.કુલ છ ગ્રામ પંચાયતમાં સામાન્ય ચૂંટણી તથા ત્રેવીસ જેટલી ગ્રામ પંચાયતોમાં વોર્ડની પેટા ચૂંટણી યોજવાની હતી.છ ગ્રામ પંચાયતોની સામાન્ય ચૂંટણી પૈકી વલી અને ડભાલ ગ્રામ પંચાયત સમરસ બની છે,જ્યારે રૂન્ઢ ગ્રામ પંચાયત માં એક વોર્ડ બિનહરીફ થયો હતો અને અણધરા ગ્રામ પંચાયતના ત્રણ વોર્ડ બિનહરીફ થયા હતા.આ ઉપરાંત સરકારી ફિચવાડા, નાનાસાંજા, લીમોદરા અવિધા, મોટા વાસણા, ઈન્દોર ગામની પેટા ચૂંટણી માં તમામ વોર્ડો બિનહરીફ જાહેર થયા હતા.જ્યારે અછાલીયા ગ્રામ પંચાયતના એક વોર્ડનું ફોર્મ જે ભરાયું હતું તે રિજેક્ટ થયું હતુ.સુલતાનપુરા તલોદરા,ઉમધરા ખરચી ગ્રામ પંચાયતના બે વોર્ડ મળી કુલ પાંચ વોર્ડ ની ચૂંટણી યોજાઈ હતી. પીપલપાન ગ્રામ પંચાયતમાં આચાર સંહિતાની ફરિયાદની ઘટનાને બાદ કરતા અન્ય ગ્રામ પંચાયતોમાં શાંતિપૂર્ણ વાતાવરણમાં મતદાન થયું હતું.મતદાનના એક દિવસ પૂર્વે જ જવાબદાર અધિકારીઓએ જે તે મતદાન મથક પર ફરજ માટે હાજર થયા હતા મોટી સંખ્યામાં પોલીસ બંદોબસ્ત પણ મતદાન મથકો પર ગોઠવાયો હતો.બપોર બાદ વરસાદી વાતાવરણ હોવા છતાં પણ ગામડાઓમાં મતદાન કરવા લોકો આવ્યા હતા.
Author: BNI News
Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is
