આમોદની મિશ્ર શાળા ૧ માં ધારાસભ્ય ડી.કે.સ્વામીની હાજરીમાં શાળા પ્રવેશોત્સવ અને કન્યા કેળવણી મહોત્સવ ઉજવાયો

આમોદ,

આમોદ મિશ્ર શાળા નંબર ૧ ખાતે ધોરણ ૧, આંગણવાડી અને બાલવાટિકાના બાળકોનો ધારાસભ્ય ડી.કે.સ્વામીના અધ્યક્ષ સ્થાને પ્રવેશ ઉત્સવ સહ કન્યા કેળવણી મહોત્સવ ૨૦૨૫ની ઉજવણી કરવામાં આવી હતી.શાળા પરિવાર તરફથી મહેમાનોનું ફૂલહારથી સ્વાગત કરવામાં આવ્યુ હતું.તેમજ મહેમાનોના હસ્તે દીપ પ્રાગટય કાર્યક્રમની શરૂઆત કરવામાં આવી હતી.

કાર્યક્રમ દરમિયાન એન.એમ.એમ.એસ.અને સી.ઈ.ટી.જ્ઞાન સાધના પરીક્ષામાં તેમજ શાળાના શિક્ષણ અને વિવિધ ક્ષેત્રે ઉત્કર્ષ પ્રદર્શન કરનાર પ્રતિભાશાળી વિદ્યાર્થીઓને સન્માનિત કરવામાં આવેલ હતા.અને એસ.એમ.સી સભ્યો અને શિક્ષકો સાથે બેઠક કરી સરકારની વિવિધ યોજનાઓની ચર્ચા કરવામાં આવી હતી.ધારાસભ્ય દ્વારા સ્કૂલમાં બનેલ નવા કોમ્પ્યુટર રૂમનું તેમજ નવી બિલ્ડિંગનુ નિરીક્ષણ કર્યું હતું તેમજ સ્કૂલના સંકુલમાં ધારાસભ્યના હસ્તે વૃક્ષારોપણ કરવામાં આવ્યું હતું.શાળા પ્રવેશોત્સવ કાર્યક્રમમાં આમોદ શહેર ભાજપ પ્રમુખ મિથુન મોદી,નગરપાલિકા પ્રમુખ,નગરપાલિકાના સદસ્યો,શિક્ષક ગણ,વાલીઓ ઉપસ્થિત રહ્યા હતા.

Author: BNI News

Tried to reach people by sharing on various social media platforms FACEBOOK, TWITTER, INSTAGRAM, TELEGRAM and WHATSAPP GROUP is